![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
შეხვედრა-დისკუსია სტუდენტებთან
ღონისძიებები
2010 წლის 3 დეკემბერს, 17 საათზე, ილიას სახელმწიფო უნივერსიტეტის H კორპუსის (ავსტრიული ბიბლიოთეკა) 105 აუდიტორიაში, ( მის.: ქ. ჩოლოყაშვილის 3/5) შეზღუდული შესაძლებლობის მქონე პირთა უფლებების დაცვის საერთშორისო დღესთან დაკავშირებით, საქართველოს სახალხო დამცველის შეზღუდული შესაძლებლობის მქონე პირთა უფლებების ცენტრი მართავს სტუდენტებთან შეხვედრა-დისკუსიას თემაზე: ”შეზღუდული შესაძლებლობის მქონე პირთა სოციალური კოჰესია საქართველოში”.
შეხვედრაზე სახალხო დამცველთან არსებული შშმ ცენტრის ხელმძღვანელი, ანა არგანაშვილი წარადგენს კვლევას აღნიშნულ თემაზე. დისკუსიისას განიხილება ისეთი საკითხები, როგორიცაა: სოციალური ინტეგრაციის ხელშეწყობა, გარიყულობისა და დამოკიდებულების სინდრომის დაძლევა, გზა პიროვნული ტრავმატიზაციიდან საზოგადოებაში ცვლილების გამომწვევ აგენტამდე. აღნიშნული კვლევა 2009-2010 წლებში ჩატარდა „კავკასიის კვლევითი რესურსცენტრის“ მხარდაჭერით საქართველოში.
შეხვედრაზე შეზღუდული შესაძლებლობის მქონე პირთა უფლებების დაცვის შესახებ მოხსენებას ასევე წარადგენს არასამთავრობო ორგანიზაციის „დამოუკიდებელი ცხოვრების ახალგაზრდული ცენტრის“ წარმომადგენელი.
დასწრება თავისუფალია.