ღონისძიებები

20 ოქტომბერს, 19:00 საათზე, ილიას სახელმწიფო უნივერსიტეტის A101 აუდიტორიაში შედგება შეხვედრა არქიტექტორ ლუდვიგ ჰოვესტადთან. ლუდვიგ ჰოვესტადი ციურიხის უნივერსიტეტის პროფესორია ავტომატიზებული არქიტექტურული პროექტირების (CAD) მიმართულებით.

მისი მთავარი ინტერესის საგანი გახლავთ კომპიუტერული ტექნოლოგიების გამოყენება გარემოს მდგომარეობის გაუმჯობესების მიზნით არა მხოლოდ არქიტექტურაში, არამედ ყველა მიმართულებით.

ამდენად,მისი ლექციები მდიდარია ინფორმაციული წყაროების ანალიზით და სასარგებლოა არა მხოლოდ არქიტექტორებისთვის, არამედ მათთვისაც, ვინც დაინტერესებულია თანამედროვე კულტურით.