ღონისძიებები

გვაქვს პატივი მოგიწვიოთ ენერგეტიკის პოლიტიკის და მდგრადი განვითარების სემინარების ციკლის პირველ სემინარზე -„საქართველოს გაწევრიანება ენერგეტიკულ გაერთიანებაში, შესაძლებლობები და გამოწვევები“- რომელიც ჩატარდება 20 თებერვალს 15:00-18:00 სთ ილიას სახელმწიფო უნივერსიტეტში.

სემინარზე დაინტერესებული მხარეების თანდასწრებით და მათი მონაწილეობით განვიხილავთ ევროპის ენერგეტიკულ გაერთიანებაში საქართველოს წევრობის დადებით და უარყოფით მხარეებს, ამ გზაზე ენერგეტიკული სექტორის წინაშე მდგარ გამოწვევებს.

 სემინარს სიტყვით გახსნის ევროკავშირის კომისარი ენერგეტიკაში გიუნტერ ოტინგერი. მასში მონაწილეობას მიიღებენ მთავრობის, პარლამენტის, ევროკავშირის, სამოქალაქო სექტორის, ენერგეტიკის, უნივერსიტეტების და საერთაშორისო ორგანიზაციების წარმომადგენლები.

სემინარი იმართება ევროკავშირის და კონრად ადენაუერის ფონდის მხარდაჭერით.

მისამართი: ილიას სახელმწიფო უნივერსიტეტის G კორპუსი - გ.წერეთლის 1 (თამარაშვილის ქუჩასა და ვაკის პარკს შორის)

იხ.ბმული>>>