ღონისძიებები

სემინარი ეძღვნება ციფრული ჰუმანიტარიის მე-4 დონის (Level 4) სტანდარტის პრაქტიკული განხორციელების გზებს ძველი ქართული ტექსტების მაგალითზე. განხილული იქნება პროექტი „Arthron“ – მზექალა შანიძის კვლევაზე (1990) დაფუძნებული ძველი ქართული გრამატიკული ტრაქტატის კრიტიკული ციფრული გამოცემა.

 „Arthron“ პირველი ქართული პროექტია, რომელიც სრულად პასუხობს Linked Open Data-ს პრინციპებს, რაც ფუნდამენტური ნაბიჯია ქართული სამეცნიერო მემკვიდრეობის საერთაშორისო ციფრულ ეკოსისტემაში ინტეგრირებისთვის.

 მკვლევარი თამარ კალხიტაშვილი განიხილავს შემდეგ საკვანძო საკითხებს:

•  CTS URN არქიტექტურა: ციტირების საერთაშორისო სტანდარტის გამოყენება. როგორ მივანიჭოთ უნიკალური იდენტიფიკატორები ტექსტსა და ლექსიკონს (მაგ.: urn:cts:georgian:shanidze.arthron.ed2025);
•  TEI-XML და Parallel Segmentation: ტექსტის კოდირება TEI-all სტანდარტით. კრიტიკული აპარატის (,,) სტრუქტურირება ნუსხების შესადარებლად;
•  Linked Open Data (LOD): ტერმინების დინამიკური დაკავშირება ციფრულ ლექსიკონთან (lexicon.xml);
•  სტრუქტურირებული ლექსიკოგრაფია: ბერძნული ეტიმოლოგიის, გრამატიკული კატეგორიებისა და კონტექსტური ციტატების მართვა XML ფორმატში;

სემინარის მონაწილეები გაეცნობიან, როგორ ინტეგრირდება ორი ხელნაწერის (A-6 და S-312) ვარიანტული წაკითხვები ერთიან ციფრულ სივრცეში და როგორ გარდაიქმნება ფილოლოგიური კვლევა მანქანურად წაკითხვად მონაცემებად. 

რას ისწავლიან მონაწილეები?

როგორ ვაქციოთ ტრადიციული ბეჭდური კრიტიკული გამოცემა მე-4 დონის ციფრულ გამოცემად;

როგორ მუშაობს სემანტიკური ანოტირება ქართველოლოგიურ და ბიზანტინოლოგიურ კვლევებში;

მონაცემთა ბმულებით დაკავშირების პრინციპებს, რომელიც ტექსტს ღია და საძიებო ბაზად აქცევს.

სემინარი საინტერესო იქნება ფილოლოგებისთვის, ისტორიკოსებისთვის, ციფრული ჰუმანიტარიის სპეციალისტებისა და სტუდენტებისთვის, რომლებსაც სურთ დაეუფლონ ტექსტების დამუშავების თანამედროვე საერთაშორისო სტანდარტებს.

ფორმატი: ჰიბრიდული

ონლაინ დასასწრებად გთხოვთ, იხილეთ ზუმის ბმული: https://iliauni-edu-ge.zoom.us/j/81729608519?pwd=a1ANgslJjlCnayCQDqSwozTbqzpcDP.1

Meeting ID: 817 2960 8519
Passcode: 933426

დრო: 6 თებერვალი, 19:00 საათი

ადგილმდებარეობა: ილიას სახელმწიფო უნივერსიტეტის G106 დარბაზი, გ. წერეთლის გასასვლელი N1-3

დასწრება თავისუფალია.

2026