„სასამართლოს როლი ადამიანის უფლებათა დაცვაში“ - დისკუსია ადამიანის უფლებების სამართლის საუნივერსიტეტო კვირეულის ფარგლებში
7 დეკემბერს, 17:30 საათზე თბილისის მედიათეკების გაერთიანების ვაკის ფილიალში ილიას სახელმწიფო უნივერსიტეტი, თბილისის თავისუფალი უნივერსიტეტი, ივ. ჯავახიშვილის სახელობის თბილისის სახელმწიფო უნივერსიტეტი, საქართველოს უნივერსიტეტი, საქართველოს საზოგადოებრივ საქმეთა ინსტიტუტი და ქართულ-ამერიკული უნივერსიტეტი გიწვევთ ადამიანის უფლებების სამართლის საუნივერსიტეტო კვირეულის გახსნასა და საჯარო დისკუსიაზე: „სასამართლოს როლი ადამიანის უფლებათა დაცვაში“.
დისკუსიაში მონაწილეობენ:
- კონსტანტინე ვარძელაშვილი, საქართველოს საკონსტიტუციო სასამართლოს თავმჯდომარის მოადგილე;
- ქეთევან ერემაძე, საქართველოს საკონსტიტუციო სასამართლოს წევრი;
- ლაშა კალანდაძე, თბილისის სააპელაციო სასამართლოს მოსამართლე 2004-2015 წლებში;
- რენატე ვინთერი, სიერა ლეონეს სპეციალური საერთაშორისო სასამართლოს სააპელაციო პალატის მოსამართლე, ევროკავშირის პროექტის - „სისხლის სამართლის სისტემის რეფორმის მხარდაჭერა საქართველოში“ - ხელმძღვანელი.
მოდერატორი: თამარ თომაშვილი, თბილისის თავისუფალი უნივერსიტეტის ადამიანის უფლებების ეროვნული ინსტიტუტის აკადემიური დირექტორი
დისკუსიის მონაწილეები იმსჯელებენ შემდეგ საკითხებზე:
- რამდენად აქტიურები არიან ქონებრივ-ეკონომიკური და პოლიტიკური და სამოქალაქო უფლებების კუთხით ქართული სასამართლოები?
- რამდენად მსგავსია საკონსტიტუციო და საერთო სასამართლოთა მიდგომა ცალკეული უფლებების განმარტების კუთხით და რამდენად მჭიდროა საქართველოში ეროვნულ და საერთაშორისო სასამართლოებს შორის დიალოგი?
- რა ინსტიტუციურ-სამართლებრივი ფაქტორები მოქმედებს ადამიანის უფლებათა კუთხით დადებითად სასამართლოთა აქტივიზმზე?
- როგორ მოქმედებს ადამიანის უფლებათა დაცვისას სასამართლოთა აქტივიზმზე პოლიტიკური გარემო და სასამართლოს მიმართ საზოგადოების დამოკიდებულება ?
კვირეულის მხარდამჭერი ორგანიზაციები:
- USAID-ის დაფინანსებული აღმოსავლეთ-დასავლეთ მართვის ინსტიტუტის პროგრამა (EWMI- PROLoG ) „კანონის უზენაესობის მხარდაჭერა საქართველოში“;
- გაეროს ადამიანის უფლებათა უმაღლესი კომისრის ოფისი სამხრეთ კავკასიაში (OHCHR);
- თბილისის მედიათეკების გაერთიანება.
საჯარო დისკუსიაში მონაწილეობა თავისუფალია. წინასწარი რეგისტრაციისათვის, გთხოვთ, შეავსოთ სარეგისტრაციო ფორმა.
ადამიანის უფლებების სამართლის საუნივერსიტეტო კვირეულის სრული განრიგი იხილეთ აქ.
დრო: 7 დეკემბერი, 17:30 საათი
ადგილმდებარეობა: თბილისის მედიათეკების გაერთიანების ვაკის ფილიალი (ჭავჭავაძის გამზ. #76, ვაკის პარკი).