![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
საინფორმაციო შეხვედრა: რატომ არის მნიშვნელოვანი Scopus-ის გამოყენება?
ღონისძიებები
16 ოქტომბერს, 17:00 საათზე, ილიას სახელმწიფო უნივერსიტეტის E 207 აუდიტორიაში ილიაუნის ბიბლიოთეკა გიწვევთ შეხვედრაზე – რატომ არის მნიშვნელოვანი სამეცნიერო ბაზა Scopus-ის გამოყენება?!
Scopus-ი წარმოადგენს ელბაზას, რომელიც აერთიანებს ბიბლიოგრაფიულ მონაცემებს 5000-ზე მეტი გამომცემლის 21000 დასახელების სამეცნიერო ჟურნალიდან, მთლიანობაში 50 მილიონზე მეტ ჩანაწერს. მომხმარებელს მრავალფეროვანი ინსტრუმენტების გამოყენებით საშუალება ეძლევა, დადგინოს, გააანალიზოს და ვიზუალურად წარმოადგინოს კონკრეტული ავტორის/სტატიის ციტირების მაჩვენებელი/ H-ინდექსი. აღნიშნული ბაზა გვეხმარება, მუდმივად ვაკონტროლოთ მსოფლიოში მიმდინარე კვლევების ტენდენცია მეცნიერების, ტექნოლოგიის, მედიცინის, ჰუმანიტარულ და სოციალურ დარგებში.
შეხვედრა საინტერესო იქნება სამაგისტრო და სადოქტორო საფეხურის სტუდენტებისთვის, მკვლევრებისთვის, პროფესორ-მასწავლებელებისთვის, ბიბლიოთეკის თანამშრომლებისთვის.
შეხვედრას გაუძღვება ელსევიერის რეგიონული მენეჯერი ბ-ნი პიტერ პოროში.
სამუშაო ენა: ინგლისური
დრო: 16 ოქტომბერი, 17:00 საათი
ადგილმდებარეობა: E207 აუდიტორია (ჩოლოყაშვილის გამზ. N3/5), ილიას სახელმწიფო უნივერსიტეტი
დასწრება თავისუფალია.