![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
საინფორმაციო შეხვედრა ევროპის კოლეჯის სამაგისტრო სტიპენდიებთან დაკავშირებით
ღონისძიებები
24 ნოემბერს, პარასკევს, 12:00 სთ-ზე ილიას სახელმწიფო უნივერსიტეტის A101 აუდიტორიაში გაიმართება საინფორმაციო შეხვედრა ევროპის კოლეჯში (ბელგია/პოლონეთი) სრულად დაფინანსებულ სამაგისტრო პროგრამებთან დაკავშირებით.
ევროპის კოლეჯი ქართველ სტუდენტებსა და კურსდამთავრებულებს სთავაზობს სრულ სტიპენდიებს ევროპათმცოდნეობის სამაგისტრო პროგრამებზე სასწავლებლად ბრიუგესა (ბელგია) და ვარშავაში (პოლონეთი).
შემოთავაზებული სამაგისტრო პროგრამები:
ვარშავის (პოლონეთი) კამპუსი:
ევროპათმცოდნეობის ინტერდისციპლინარული პროგრამა (შემდეგი სპეციალობებით – ევროპის ისტორია და ცივილიზაცია; ევროპის აღმოსავლეთ პარტნიორობა; ევროკავშირი როგორც გლობალური აქტორი; ევროკავშირის საჯარო მმართველობა და პოლიტიკა).
ბრიუგეს (ბელგია) კამპუსი:
- ევროკავშირის საერთაშორისო ურთიერთობები და დიპლომატია
- ევროპული პოლიტიკური და ადმინისტრაციული სწავლება
- ევროკავშირის ეკონომიკა
- ევროკავშირის სამართალი
სტიპენდია მოიცავს: სწავლების სრულ საფასურს, სტუდენტური საცხოვრებელს, კვებას, ორმხრივი საერთაშორისო მგზავრობას, ყოველთვიური სტიპენდიას
სააპლიკაციო დოკუმენტების ჩამონათვალი:
- ენების ცოდნის დამადასტურებელი დოკუმენტი (ინგლისური– B2, ფრანგული – B1)
- მოტივაციის წერილი (მაქს. 600 სიტყვა)
- 2 რეკომენდატორის (უნივერსიტეტის პროფესორი) სახელი და ელფოსტის მისამართი
- CV ევროპასის ფორმატში
- დიპლომ(ებ)ის ასლი – ორიგინალის ენაზე და თარგმანი ინგლისურ ან ფრანგულ ენაზე (თუ ჯერ არ ფლობთ ხარისხს, მოპოვებისთანავე უნდა გააგზავნოთ ელფოსტით)
- ნიშნების ამონაწერის ასლი – ორიგინალის ენაზე და თარგმანი ინგლისურ ან ფრანგულ ენაზე
- პასპორტის ან პირადობის მოწმობის ასლი
- საპასპორტე ფოტოსურათი
განაცხადის გაკეთება:
განაცხადი უნდა გაკეთდეს ელექტრონულად https://admissions.coleurope.eu/login; განაცხადების მიღების ბოლო ვადა 2018 წლის 17 იანვარი.
სტიპენდიატთა შესარჩევი პროცესი:
შერჩევის პროცესი მოიცავს ორ ეტაპს – განაცხადების გადარჩევასა და გასაუბრებას.
NOTE:
- დამატებითი ინფორმაციისათვის დაწვრილებით გაეცანით ევროპის კოლეჯის ვებგვერდს https://www.coleurope.eu/
- გაწევრიანდით Facebook ჯგუფში https://www.facebook.com/groups/185091015282045/, სადაც გამოქვეყნდება ინფორმაცია სააპლიკაციო პროცესისა და დაგეგმილი საინფორმაციო შეხვედრების შესახებ.
დრო: 24 ნოემბერი, 12:00 საათი
ადგილმდებარეობა: A101 აუდიტორია (ი.ჭავჭავაძის N32), ილიას სახელმწიფო უნივერსიტეტი
დასწრება თავისუფალია.