![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
საერთაშორისო ექსპერტის კამელია ბულატის ვორკშოპი - ბიზნეს-ასოციაციების მნიშვნელობა და მათი განვითარება
ღონისძიებები
7 ივნისს, 15:00 საათზე, წიგნის სახლში „ლიგამუსი“ USAID-ის პროექტის G4G-ის მოწვევით და ილიას სახელმწიფო უნივერსიტეტის ბიზნესის სკოლის ორგანიზებით Center for International Private Enterprise (CIPE)-ის ექსპერტი კამელია ბულატი ილიას სახელმწიფო უნივერსიტეტის სტუდენტებისთვის ჩაატარებს ვორკშოპს თემაზე „ბიზნეს-ასოციაციების მნიშვნელობა და მათი განვითარება“.
ვორკშოპის თემატიკა
მომხსენებელი ისაუბრებს ბიზნეს-ასოციაციების როლზე; მათი მუშაობის სპეციფიკასა და მახასიათებლებზე, რომლებიც ამ ტიპის ორგანიზაციებს საჯარო უწყებებისა და კერძო კომპანიებისგან განასხვავებს; ბიზნეს-ასოციაციების საქმიანობის ძირითად მიმართულებებზე; ბიზნეს-ასოციაციის დაფუძნების შესაძლებლობებსა და პროცედურებზე.
მომხსენებლის შესახებ
კამელია ბულატი არის Center for International Private Enterprise (CIPE)-ის ექსპერტი და ამავე ორგანიზაციის მიერ დაფუძნებული „ორგანიზაციული მენეჯმენტის რეგიონული ცენტრის“ RCOM (რუმინეთი) აღმასრულებელი დირექტორი.
მას აქვს მსოფლიოს მასშტაბით სამოქალაქო საზოგადოების სხვადასხვა ჯგუფთან (ბიზნეს-ასოციაციები; დამსაქმებელთა ორგანიზაციები; სავაჭრო პალატები; ქალთა წარმომადგელობები და ა. შ.) მუშაობის 15-წლიანი გამოცდილება.
ფლობს Open University (UK)-ის მაგისტრის ხარისხს ბიზნესის ადმინისტრირებაში.
- მომხსენებლის ვრცელი ბიოგრაფია ხელმისაწვდომია ბმულზე: https://bit.ly/2kDIceZ
როგორ დავესწრო ვორკშოპს?
დასწრება შეუძლია ვორკშოპის თემატიკით დაინტერესებულ ნებისმიერ პირს. დასასწრებად საჭიროა წინასწარი რეგისტრაცია (ადგილები შეზღუდულია და უპირატესობა მიენიჭებათ იმ აპლიკანტებს, რომლებიც უფრო ადრე დარეგისტრირდებიან).
- რეგისტრაციის ბოლო ვადა 2018 წლის 5 ივნისი.
- რეგისტრაციისთვის მიჰყევით ბმულს: https://bit.ly/2J0wcyI
დრო: 7 ივნისი, 15:00 საათი;
ვორკშოპის ხანგრძლივობა: 2 საათი
სამუშაო ენა: ინგლისური
ადგილმდებარეობა: წიგნის სახლი „ლიგამუსი“, ი. ჭავჭავაძის გამზირი #32