ღონისძიებები

25 მაისს, 19:00 საათზე, ილიას სახელმწიფო უნივერსიტეტის A101 აუდიტორიაში ილიაუნის სამართლის სკოლის ადამიანის უფლებათა მიმართულება ამერიკის შეერთებული შტატების განვითარების სააგენტო (USAID)-ს მიერ დაფინანსებულ პროგრამასთან „კანონის უზენაესობის მხარდაჭერა საქართველოში“ (USAID/PROLoG) თანამშრომლობით, რომელსაც ახორციელებს აღმოსავლეთ-დასავლეთის მართვის ინსტიტუტი, მართავენ საჯარო ლექცია/დისკუსიას თემაზე: რელიგიური მორალი ლიტერატურისა და სამართლის წინააღმდეგ.

ლექციას წაიკითხავს ილიას სახელმწიფო უნივერსიტეტის პროფესორი, მწერალი ლევან ბერძენიშვილი.

მომხსენებელი ისაუბრებს გამოხატვის თავისუფლებისა და რელიგიური მორალის დაპირისპირებაზე. მსოფლიო ლიტერატურის პირველი დიდი შედევრების – „გილგამეშის“ „ილიადის“, „ოდისეის“, ესქილესეული „მიჯაჭვული პრომეთევსის“ მაგალითებზე.

ამ დაპირისპირების შუქზე განხილული იქნებიან პერსონაჟები: გილგამეში და ენქიდუ, ღმერთების დაჭრა „ილიადაში“ დიომედესის მიერ. აგრეთვე პრომეთევსის და ზევსის კამათი ღმერთებისა და ადამიანების დანიშნულებაზე, პრომეთევსი როგორც რელიგიური დისიდენტი, რომელიც გამოხატვისათვის ისჯება.

დისკუსიის მოდერატორი:

თამარ გურჩიანი, ილიას სახელმწიფო უნივერსიტეტის სამართლის სკოლის ასოცირებული პროფესორი, ადამიანის უფლებათა მიმართულების ხელმძღვანელი.

დრო: 25 მაისი, 19:00 საათი

ადგილმდებარეობა: A101 აუდიტორია (ჭავჭავაძის გამზ. N32), ილიას სახელმწიფო უნივერსიტეტი

დასწრება თავისუფალია.