საჯარო ლექცია თემაზე: „რელიგიათა შორის დიალოგი“
ღონისძიებები
16 აპრილს, 14:00 საათზე, ილიას სახელმწიფო უნივერსიტეტის წიგნის სახლში ”ლიგამუსი”, ილიას სახელმწიფო უნივერსიტეტი, აშშ-ის საელჩოსთან თანამშრომლობით, უმასპინძლებს პროფესორ მუჰამედ შაფიქს, რომელიც ჩაატარებს ლექციას თემაზე: „რელიგიათაშორის დიალოგი“.
უამრავი სტატიისა და რამდენიმე წიგნის ავტორი, მუჰამედ შაფიქი, რელიგიათა შორის ურთიერთობებისა და დიალოგის ცენტრის (Brian and Jean Hickey Center for Interfaith Studies and Dialogue) აღმასრულებელი დირექტორია; ის ასევე ორგანიზატორია რელიგიის, სამართლიანობისა და მშვიდობის თემაზე გამართული სიმპოზიუმისა, რომელშიც მთელი მსოფლიოს მასშტაბით 150 სწავლული მონაწილეობდა.
პროფესორი მუჰამედ შაფიქი მსმენელს გაუზიარებს საკუთარ გამოცდილებას რელიგიათა შორის ურთიერთობებთან დაკავშირებით.
დრო: 16 აპრილი, 14:00 საათი
ადგილმდებარეობა: წიგნის სახლი ”ლიგამუსი”
დასწრება თავისუფალია.