ღონისძიებები

ილიას სახელმწიფო უნივერსიტეტში ცხოველთა მონიტორინგის სააგენტოს ინიციატივით მიმდინარეობს საჯარო ლექციების კურსი: „ყველაფერი შინაური ცხოველების შესახებ“.

4 თებერვალს, 17:00 საათზე, ილიას სახელმწიფო უნივერსიტეტის G106 აუდიტორიაში ცხოველთა გადარჩენის სახალხო ფრონტის დამფუძნებელი თიკო კვალიაშვილი წაიკითხავს ამ კურსის მეცხრე ლექციას თემაზე: ,,ძაღლების სახლში ყოლის წესები და რეკომენდაციები“ .

ლექციის ძირითადი თემებია:

• რას ნიშნავს ცხოველის აყვანა;
• რა უნდა იცოდეს და გაიაზროს ადამიანმა, რომელსაც ძაღლის აყვანა სურს;
• ცხოველის პატრონის უფლებამოსილება და პასუხისმგებლობა;
• როგორ უნდა გაზარდო ძაღლი და მართო მისი ხასიათი;
• რა პირობები უნდა შევუქმნათ ჩვენს ოთხფეხა მეგობარს;
• როგორ უნდა დაარეგისტრირო ძაღლი ცხოველთა მონიტორინგის სააგენტოში.

ლექციების კურსი 13 ლექციას მოიცავს. კურსის დასრულების შემდეგ მსმენელებს სერტიფიკატები გადაეცემათ.

დრო: 4 თებერვალი, 17:00 საათი

ადგილმდებარეობა: G106 აუდიტორია (გ. წერეთლის ქ. N1), ილიას სახელმწიფო უნივერსიტეტი

დასწრება თავისუფალია.