ღონისძიებები

ილიას სახელმწიფო უნივერსიტეტში ცხოველთა მონიტორინგის სააგენტოს ინიციატივით მიმდინარეობს საჯარო ლექციების კურსი: „ყველაფერი შინაური ცხოველების შესახებ“.

10 დეკემბერს, 17:00 საათზე, ილიას სახელმწიფო უნივერსიტეტის G106 აუდიტორიაში ცხოველთა უფლებების საერთაშორისო დღესთან დაკავშირებით ცხოველთა უფლებების კომიტეტის თავმჯდომარე თინათინ ჭავჭანიძე წაიკითხავს ამ კურსის მეექვსე ლექციას თემაზე: ,,ცხოველთა კეთილდღეობა და უფლებები“.

ლექციის ძირითადი თემებია:

• ცხოველთა უფლებების საერთაშორისო დღე, მისი მნიშვნელობა და ამ მოძრაობის ისტორია;
• რა განსხვავებაა ცხოველთა უფლებებისთვის ბრძოლასა და კეთილდღეობისთვის ბრძოლას შორის;
• ცხოველთა უფლებების დეკლარაცია, ევროპული კონვენციები, აქტივიზმის მიღწევები;
• ვეგეტარიანიზმისა და ვეგანიზმის მნიშვნელობა კლიმატის ცვლილებებში.

ლექციების კურსი 13 ლექციას მოიცავს. კურსის დასრულების შემდეგ მსმენელებს სერტიფიკატები გადაეცემათ.


დრო: 10 დეკემბერი, 17:00 საათი

ადგილმდებარეობა: G106 აუდიტორია (გ. წერეთლის ქ. N1), ილიას სახელმწიფო უნივერსიტეტი

დასწრება თავისუფალია.