საჯარო ლექცია „მწვანე ეკონომიკა“
ღონისძიებები
4 ივლისს, 16:00 საათზე, ილიას სახელმწიფო უნივერსიტეტის E406 აუდიტორიაში ილიაუნის ბიზნესის სკოლის სტუდენტებს, რომელთაც დაგროვილი აქვთ 60 და მეტი კრედიტი, ვიწვევთ მწვანე ეკონომიკის სკოლის (CENN) პროექტის კოორდინატორის, რეზო გეთიაშვილის საჯარო ლექციაზე: „მწვანე ეკონომიკა“.
-
თუ გაინტერესებთ ტურიზმი, მდგრადი განვითარება და გარემოსადმი მეგობრული, მწვანე ბიზნესმოდელები;
-
თუ გსურთ, მოიპოვოთ დასაქმების რეალური შესაძლებლობა;
-
თუ გსურთ, 2019 წლის ზაფხული გაატაროთ ჩვენი ქვეყნის ყველაზე ლამაზ ადგილებში და მიიღოთ შესაბამისი ანაზღაურება;
-
თუ გსურთ, შეარჩიოთ საინტერესო იდეა საბაკალავრო/სამაგისტრო ნაშრომისთვის;
-
თუ გსურთ, თქვენი წვლილი შეიტანოთ ქვეყნის სიღარიბის დაძლევაში;
-
თუ გსურთ, მოიპოვოთ საუკეთესოს ტიტული და აღიარება სახელმწიფო სტრუქტურებისგან.
შეხვედრაზე დასწრების მსურველებმა 4 ივლისის 12:00 საათამდე უნდა გაიარონ ელექტრონული რეგისტრაცია: https://forms.gle/DbPnKYJCsQeN5xVv9
*პროგრამის „სახელმწიფო სტიპენდიები სტუდენტებს“ ფარგლებში არსებულ კონკურსში ამ საჯარო ლექციაში მონაწილეობა შეფასდება 1%-ით.
შეგახსენებთ, რომ სასტიპენდიო კონკურსში მონაწილეებმა ელექტრონული რეგისტრაციის გარდა უნდა გაიარონ რეგისტრაცია შეხვედრის დაწყებისას და დასრულებისას, რისთვისაც საჭიროა იქონიონ პირადობის დამადასტურებელი მოწმობა.
სტიპენდიის კონკურსში მონაწილეთათვის რეგისტრაციის დაწყების დრო: 15:50 საათი
დრო: 4 ივლისი, 16:00 საათი
ადგილმდებარეობა: E406 აუდიტორია (ქ. ჩოლოყაშვილის გამზ. №3/5), ილიას სახელმწიფო უნივერსიტეტი