![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
საჯარო დისკუსია „ბუნებრივი რესურსების პოლიტიკის სოციალური და გარემოსდაცვითი ასპექტები“
ღონისძიებები
პირველ მარტს, 17:00 სთ-ზე, ილიას სახელმწიფო უნივერსიტეტის წიგნის სახლში „ლიგამუსი“ ჰაინრიჰ ბიოლის ფონდის თბილისის ოფისი გიწვევთ საჯარო დისკუსიაზე:„ბუნებრივი რესურსების პოლიტიკის სოციალური და გარემოსდაცვითი ასპექტები“.
მომხსენებლები:
ირაკლი მაჭარაშვილი – გარემოსდამცველი, ილიას სახელმწიფო უნივერსიტეტის ასოცირებული პროფესორი; ორგანიზაცია „მწვანე ალტერნატივა“;
კახა ბახტაძე – გარემოს დაცვისა და ბუნებრივი რესურსების მართვის სპეციალისტი; არასამთავრობო ორგანიზაცია „გარემო და განვითარება;
თამუნა ქებურია – მკვლევარი; ადამიანის უფლებების სწავლების და მონიტორინგის ცენტრი (EMC).
მარიამ დევიძე – სოციოლოგი.
მოდერატორი: თამარ ანთიძე – ჰაინრიჰ ბიოლის ფონდის წარმომადგენელი
დოვლათის, დასაქმების ადგილებისა და საექსპორტო პროდუქციის წარმოების თვალსაზრისით სამთო-მომპოვებელ ინდუსტრიას მნიშვნელოვანი ადგილი უკავია ქვეყნის ეკონომიკურ აქტივობაში. თუმცა, მსგავსი ინდუსტრიების სპეციფიკურობიდან გამომდინარე, მნიშვნელოვანია გამართული საკანონმდებლო რეგულაციების არსებობა, რომლებიც დააბალანსებს მაქსიმალურ მოგებაზე ორიენტირებულ ინტერესებს და მიმართული იქნება ადგილობრივი მოსახლეობის სოციო-ეკონომიკური მდგომარეობის გაუმჯობესებისა და გარემოსთვის მიყენებული ზიანის შერბილებისკენ.
დისკუსია შეეცდება პასუხი გასცეს შემდეგ შეკითხვებს:
- როგორია ბუნებრივი რესურსებისა და სასარგებლო წიაღისეულის მართვის პრაქტიკა და რა ღონისძიებებს მიმართავს სახელმწიფო მსგავს საქმიანობასთან დაკავშირებული რისკების შესამცირებლად?
- როგორ უნდა გავუმკლავდეთ გარემოს დეგრადაციას, დაბინძურებას და მასთან დაკავშირებულ ჯანმრთელობის პრობლემებს ბოლნისში, კასპში, ჭიათურაში, ტყიბულში და ა. შ.?
- როგორ პასუხობს სახელმწიფო დიდი ინდუსტრიების გარშემო მცხოვრები ადამიანების წუხილს?
- რა რეკომენდაციები აქვთ ამ საკითხებთან დაკავშირებით მეცნიერებს, არასამთავრობო ორგანიზაციებსა და აქტივისტებს?
შეხვედრაზე გაიმართება ჰაინრიჰ ბიოლის ფონდის პროექტის „მწვანე აკადემია“ ფარგლებში ჩატარებული კვლევის „ოქროს საბადოსთან ცხოვრების საფასური: კომპანია „არემჯის“ საქმიანობის ეკონომიკური და სოციალური გავლენები მოსახლეობაზე" პრეზენტაცია.
დრო: პირველი მარტი, 17:00 საათი
ადგილმდებარეობა: წიგნის სახლი „ლიგამუსი“(ი. ჭავჭავაძის გამზირი N32), ილიას სახელმწიფო უნივერსიტეტი
დასწრება თავისუფალია.