ღონისძიებები

6 დეკემბერს, სამშაბათს, 19:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, შეხვედრების ციკლის - პოეზია და რეციტაცია - ფარგლებში, პოეტი რატი ამაღლობელი წაიკითხავს საჯარო ლექციას თემაზე: „ვერცხლის საუკუნის“ ქალი პოეტები: ანნა ახმატოვა და მარინა ცვეტაევა. მომხსენებელი განიხილავს შემდეგ საკითხებს: ახმატოვა და „ცისფერყანწელები“; ანნა ახმატოვა და ელენე დარიანი; მარინა ცვეტაევასა და ანნა ახმატოვას პოეტური და ბიოგრაფიული ურთიერთმიმართებები.

დრო: 6 დეკემბერი, 19:00 საათი

ადგილმდებარეობა: წიგნის სახლი „ლიგამუსი“ (ჭავჭავაძის გამზ. №32), ილიას სახელმწიფო უნივერსიტეტი

დასწრება თავისუფალია.