![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
ქიმიური ბიოლოგიის ინსტიტუტის ანგარიში – სამეცნიერო კვირეული ილიაუნიში 2019
ღონისძიებები
17 დეკემბერს, 19:30 საათზე, ილიას სახელმწიფო უნივერსიტეტის E207 აუდიტორიაში ნელი დათუკიშვილი წაიკითხავს მოხსენებას თემაზე: „გენმოდიფიცირებული ორგანიზმები და მათი დეტექცია საკვებში“.
თემის მოკლე მიმოხილვა
გენეტიკურად მოდიფიცირებული ორგანიზმები (გმო) და მათგან მიღებული საკვები პროდუქტები შექმნილია თანამედროვე ბიოტექნოლოგიით გენური ინჟინერიის გამოყენებით. გმო-ს მონიტორინგი აქტუალურია ჯანმრთელობისა და გარემოს დაცვისათვის, პროდუქტების ავთენტურობისა და უვნებლობის შეფასებისათვის, საკვების ეტიკეტირებისათვის, საკანონმდებლო მოთხოვნების შესრულებისათვის, მომხმარებლის თავისუფალი არჩევანისათვის. ილიაუნის მეცნიერებმა შეისწავლეს გენმოდიფიცირებული და შესაბამისი ველური მცენარეების გენომური დნმ-ები როგორც თესლებში, აგრეთვე პროცესირებულ საკვებში. ეს მცენარეებია: სიმინდი, სოია, ხორბალი, პამიდორი და კარტოფილი. კვლევის შედეგად იდენტიფიცირდა სახეობისა და გმ-ხაზების სპეციფიური ახალი დნმ-მარკერები, შემუშავდა მულტიპლექსური პოლიმერაზული ჯაჭვური რეაქციის (პჯრ) მეთოდები და დნმ-მიკროარეები გმო-ს ზუსტი და სწრაფი დეტექციისათვის საკვებში.
დრო: 17 დეკემბერი, 19:30 საათი
ადგილმდებარეობა: E 207 აუდიტორია (ქ. ჩოლოყაშვილის გამზ. N3/5), ილიას სახელმწიფო უნივერსიტეტი
დასწრება თავისუფალია.