![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
პროკრედიტ ბანკში დასაქმების უნიკალური შანსი
ღონისძიებები
18 და 19 ნოემბერს, 15:00 საათზე, ილიას სახელმწიფო უნივერსიტეტის E207 აუდიტორიაში ”პროკრედიტ ბანკის” ადამიანური რესურსების განყოფილების თანამშრომლები დაინტერესებულ ახალგაზრდებს გააცნობენ ინფორმაციას ახალგაზრდა ბანკირების პროგრამის შესახებ. 18 ნოემბერს შედგება შეხვედრა ილიაუნის ბიზნესის სკოლის სტუდენტებისთვის, ხოლო 19 ნოემბერს - მეცნიერებათა და ხელოვნების ფაკულტეტის სტუდენტებისთვის.
”პროკრედიტ ბანკი” იწყებს კადრების შერჩევას დასაქმების საერთაშორისო პროგრამისთვის, რომელიც ჩატარდება ბულგარეთში, ქალაქ სოფიაში.
შერჩევის ძირითადი კრიტერიუმებია:
- ანალიტიკური და კრიტიკული აზროვნების უნარი;
- სწავლასა და განვითარებაზე ორიენტირებულობა;
- მიზანდასახულობა და ენერგიულობა;
- დატვირთულ რეჟიმში მუშაობის უნარი;
- ინგლისური ენის მაღალ დონეზე ცოდნა;
- ”პროკრედიტ ბანკში” პროფესიული განვითარებისა და წინსვლის სურვილი.
ახალგაზრდა ბანკირების პროგრამაში მონაწილეთა ასაკობრივი ზღვარი შეზღუდულია 21-დან 32 წლამდე.
პროგრამის შესახებ დამატებითი ინფორმაციისთვის ეწვიეთ ვებგვერდს.
დრო: 18 და 19 ნოემბერი, 15:00 საათი
ადგილმდებარეობა: ილიას სახელმწიფო უნივერსიტეტის E207 აუდიტორია (ჩოლოყაშვილის გამზ. №3/5)