![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
პროფესორ ჰამუტალ ბარ-იოსების ლექსების ქართული თარგმანების პრეზენტაცია
ღონისძიებები
27 სექტემბერს, 19:00 საათზე, ილიას სახელმწიფო უნივერსიტეტის წიგნის სახლში „ლიგამუსი“ გეპატიჟებით ნეგევის ბენ გურიონის უნივერსიტეტის პროფესორის, ჰამუტალ ბარ-იოსების ქართულად თარგმნილი ლექსების პრეზენტაციაზე.
წარდგინებაში მონაწილეობას მიიღებენ თავად ავტორი და მთარგმნელი თამაზ ხარაიშვილი.
ჰამუტალ ბარ-იოსების 40 ლექსი პირველად ითარგმნა ქართულ ენაზე და გამოსცა გამომცემლობა „მერიდიანმა".
ჰამუტალ ბარ-იოსები, ნეგევის ბენ გურიონის უნივერსიტეტის ლიტერატურის პროფესორი ემერიტუსი, მსოფლიოს მრავალი უნივერსიტეტის საპატიო პროფესორია. მას გამოცემული აქვს ათეულობით პოეტური, სამეცნიერო და სამეცნიერო-პოპულარული კრებული, ასევე ინგლისური, ფრანგული და რუსული ენებიდან თარგმანთა კრებულები; ჰამუტალ ბარ-იოსები არაერთგზის დაჯილდოებულია პრიზებით როგორც პოეტური და მთარგმნელობითი, ისე სამეცნიერო და საზოგადოებრივი საქმიანობისთვის.
მისი წიგნები ნათარგმნია ინგლისურ, ფრანგულ, ესპანურ და რუსულ ენებზე.
ვრცლად იხ. http://www.ithl.org.il/page_13508
სამუშაო ენები: ქართული, ინგლისური
დრო: 27 სექტემბერი, 19:00 საათი
ადგილმდებარეობა: წიგნის სახლი „ლიგამუსი“ (ი. ჭავჭავაძის გამზ. N32), ილიას სახელმწიფო უნივერსიტეტი
დასწრება თავისუფალია.