![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
პოლიტოლოგ ზვიად აბაშიძის საჯარო ლექცია: მულტიკულტურალიზმის საკითხები თანამედროვე სამყაროში
ღონისძიებები
22 აპრილს, 19:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, ლიბერალიზმის სასწავლო ცენტრის ორგანიზებით, პოლიტიკის მეცნიერებათა დოქტორი, ზვიად აბაშიძე, წაიკითხავს საჯარო ლექციას: „მულტიკულტურალიზმის საკითხები თანამედროვე სამყაროში“.
ლექციაზე განიხილება კულტურათა სხვადასხვაობის გავლენა მსოფლიო პოლიტიკურ ლანდშაფტზე. მომხსენებელი ისაუბრებს შემდეგ თემებზე: როგორია თანამედროვე დასავლეთში კულტურულად მრავალფეროვანი საზოგადოების თანაცხოვრების მოდელები და რა კავშირშია ეს ყველაფერი თანამედროვე ერი-სახელმწიფოს ტრადიციულ გაგებასთან; რას ნიშნავს „კულტურული საზოგადოება“ და როგორია მისი პრაქტიკაში დანერგვის შედეგები.
მომხსენებლის შესახებ
ზვიად აბაშიძე პოლიტიკის მეცნიერებათა დოქტორია. მისი საკვლევი სფეროებია: პოლიტიკური თეორიები, შედარებითი პოლიტიკა, ნაციონალიზმის, ეთნიკურობისა და უმცირესობების საკითხები. იგი ივანე ჯავახიშვილის სახელობის თბილისის სახელმწიფო უნივერსიტეტის საბაკალავრო და სამაგისტრო საფეხურებზე კითხულობს შემდეგ სალექციო კურსებს: შესავალი პოლიტიკურ მეცნიერებაში, შედარებითი პოლიტიკა, პოლიტიკური თეორიის ძირითადი პრობლემები და მე-20 საუკუნის პოლიტიკური თეორიები.
დრო: 22 აპრილი, 19:00 საათი
ადგილმდებარეობა: წიგნის სახლი „ლიგამუსი“, ილიას სახელმწიფო უნივერსიტეტი (ჭავჭავაძის გამზ. #32)
დასწრება თავისუფალია.