![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
პაატა ბუხრაშვილის საჯარო ლექცია:„თურქეთელი ქართველი გერმანიიდან – ილია ხიმშიაშვილი-აბდურრაჰმან ჩეთინქაია“
ღონისძიებები
22 დეკემბერს, პარასკევს, 18:00 საათზე, ილიას სახელმწიფო უნივერსიტეტის E207 აუდიტორიაში გაიმართება პროფესორ პაატა ბუხრაშვილის საჯარო ლექცია თემაზე:„თურქეთელი ქართველი გერმანიიდან – ილია ხიმშიაშვილი-აბდურრაჰმან ჩეთინქაია“.
ლექსიის შემდეგ მოეწყობა საქართველოსთან მეგობრობის ასოციაციის მიერ შექმნილი დოკუმენტური ფილმების სერიის „ოსმალეთის ქართველები“ წარდგენა.
ცნობილი თურქეთელი ქართველი ილია ხიმშიაშვილი, ბევრი სასიკეთო საქმის თაოსანი, იყო ახმედ მელაშვილის ერთ-ერთი თანამებრძოლთაგანი, რომელიც ყველაფერს აკეთებდა თურქეთში მცხოვრებ ქართველთა შორის ეროვნული თვითშეგნების ასამაღლებლად. მისი უშუალო მეცადინეობით ბადენ-ვიურტენბერგის მხარის ქ. ეპელჰაიმში (სადაც იგი ცხოვრობდა) მთავარ მოედანს საქართველოს სახელი ეწოდა; ილია ხიმშიაშვილის ფინანსური მხარდაჭერით დაიშტამპა გერმანიაში დამოუკიდებლობა ახლად აღდგენილი საქართველოსთვის პირველი სამანქანე ნომრები სამფეროვანი დროშით; მისი ძალისხმევით დაინიშნა პირდაპირი რეისები თბილისი-ფრანკფურტის მიმართულებით (რომელიც, სამწუხაროდ, აღარ მოქმედებს); იგი გახლდათ ერთ-ერთი იმ თურქეთელ ბიზნესმენთა შორის, ვისი უშუალო მეცადინეობითაც 90-იან წლებში საქართველოში ჰუმანიტარული დახმარების ხაზით ხორბალი შემოდიოდა.
დრო: 22 დეკემბერი, 18:00 საათი
ადგილმდებარეობა: E207 აუდიტორია (ქ. ჩოლოყაშვილის გამზირი N3/5), ილიას სახელმწიფო უნივერსიტეტი
დასწრება თავისუფალია.