ღონისძიებები

30 მარტს, 13:00 საათზე, სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, ვიცე–პრემიერი გიორგი ბარამიძე ილიას სახელმწიფო უნივერსიტეტის 101-ე აუდიტორიაში (ი. ჭავჭავაძის გამზ. 32) სტუდენტებთან შეხვედრას გამართავს. საუბრის მთავარი თემა იქნება „ნატოს გაფართოების პროცესის პერსპექტივები“. ვიცე–პრემიერი სტუდენტებს ლექციას წაუკითხავს და დასმულ კითხვებს უპასუხებს. შეხვედრა ორგანიზებულია ნატოს შესახებ საინფორმაციო ცენტრის და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის მიერ. შეხვედრის შემდეგ საინფორმაციო ცენტრის წარმომადგენლები განაახლებენ ნატოს კუთხეს, რომელიც უმაღლეს სასწავლებელში უკვე წელიწადზე მეტია ფუნქციონირებს.