![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
მთარგმნელები ილიაუნის ლიტერატურულ კლუბში - შეხვედრა ია ბერსენაძესთან
ღონისძიებები
23 აპრილს, 19:00 საათზე, ილიას სახელმწიფო უნივერსიტეტის წიგნის სახლში ”ლიგამუსი“ ილიაუნის ლიტერატურული კლუბი სტუმრად იწვევს ია ბერსენაძეს, რომელმაც სხვადასხვა დროს თარგმნა: ჟან-მარი გუსტავ ლე კლეზიოს ”შიმშილის მისამღერი“;ფრედერიკ ბეგბედერის ”ფრანგული რომანი“; დანიელ პენაკის ”რომანივით საკითხავი“; ორჰან ფამუქის ”გულუბრყვილო და სენტიმენტალური რომანისტი“; ალექსანდრ დიუმას ”კავკასია“ (თანამთარგმნელი გიორგი ეკიზაშვილთან და თინათინ ქიქოძესთან ერთად).
ია ბერსენაძე ილიაუნის ლიტერატურული პრემიის ერთ-ერთი ფინალისტი ავტორის, ორჰან ფამუქისა და მისი რომანების შესახებ ისაუბრებს. ფინალისტი რომანი ”მე წითელი მქვია“ ლია ჩლაიძემ თარგმნა და ”ბაკურ სულაკაურის გამომცემლობამ” გამოსცა 2010 წელს.
დრო: 23 აპრილი, 19:00 საათი
ადგილმდებარეობა: წიგნის სახლი ”ლიგამუსი“ (ჭავჭავაძის გამზ. №32)
დასწრება თავისუფალია.