მოსწავლეთა მესამე ეროვნული კონფერენცია საბუნებისმეტყველო მეცნიერებებში
ღონისძიებები
27 თებერვალს, 11:00 საათზე, ილიას სახელმწიფო უნივერსიტეტის B 202 აუდიტორიაში, ევროკომისიის მიერ მე-7 ჩარჩოპროგრამით დაფინანსებული პროექტის - „ჯაჭვური რეაქცია“ - ფარგლებში, გაიმართება მოსწავლეთა მესამე ეროვნულიკონფერენცია საბუნებისმეტყველო მეცნიერებებში. კონფერენციაში მონაწილეობენ პროექტში 2015-2016 სასწავლო წელს ჩართული სკოლები:
- მე-2 საჯარო სკოლა, ბათუმი;
- მე-3 საჯარო სკოლა, ბორჯომი;
- მე-4 საჯარო სკოლა, თელავი;
- მე-12 საჯარო სკოლა, რუსთავი;
- ბაკურციხის საჯარო სკოლა, გურჯაანი.
კონფერენციაზე მოსწავლეები როგორც სასესიო, ასევე საგამოფენო ფორმატში წარმოადგენენ კვლევით პროექტებს საბუნებისმეტყველო მეცნიერებებში. საუკეთესო კვლევითი პროექტის წარმდგენი გუნდი 9-10 მაისს საქართველოს სახელით მონაწილეობას მიიღებს საერთაშორისო კონფერენციაზე პლოვდივის უნივერსიტეტში (ბულგარეთში).
დრო: 27 თებერვალი, 11:00 საათი
ადგილმდებარეობა: B 202 აუდიტორია, ილიას სახელმწიფო უნივერსიტეტი (ჭავჭავაძის გამზ. #32)