![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
მეწარმე კურსდამთავრებულთა ცენტრის პრეზენტაცია
ღონისძიებები
10 ივლისს, 19:00 საათზე, ილიას სახელმწიფო უნივერსიტეტის წიგნის სახლში „ლიგამუსი“ გაიმართება მეწარმე კურსდამთავრებულთა ცენტრის პრეზენტაცია. ცენტრში ამ დროისთვის 60-მდე მეწარმე კურსდამთავრებულია გაერთიანებული. პრეზენტაციაზე საუბარი იქნება სამომავლო გეგმებზე, კურსდამთავრებულების მეტად ჩართვაზე საუნივერსიტეტო ცხოვრებაში.
პრეზენტაციაზე სიტყვით წარდგებიან:
გიგა ზედანია - ილიას სახელმწიფო უნივერსიტეტის რექტორი: მისასალმებელი სიტყვა, კურსდამთავრებულთა და მეწარმე კურსდამთავრებულთა ქსელის მნიშვნელობის შესახებ;
ნინო დვალიძე - ილიას სახელმწიფო უნივერსიტეტის რექტორის მოადგილე: მეწარმეობისა და ინოვაციური ეკოსისტემის მნიშვნელობის, მიმდინარე პროექტების შესახებ;
ნინო ენუქიძე - EANET პროექტის კოორდინატორი: მეწარმე კურსდამთავრებულთა ცენტრის მიზნების, ამოცანების და შესაძლებლობების განხილვა, საიტის მოკლე პრეზენტაცია;
მეწარმე კურსდამთავრებულთა ცენტრის ხელმძღვანელი, მაია ნონიაშვილი მეწარმე კურსდამთავრებულებს სასაჩუქრე პაკეტებს გადასცემს. პრეზენტაციის ფარგლებში, მოეწყობა მეწარმე კურსდამთავრებულთა პროფილების ვიდეოჩვენება. პრეზენტაცია დასრულდება ფურშეტით.
დრო: 10 ივლისი, 19:00 საათი
ადგილმდებარეობა: ილიას სახელმწიფო უნივერსიტეტის წიგნის სახლი "ლიგამუსი" (ჭავჭავაძის გამზ. №32)