ღონისძიებები

14 დეკემბერს, 18:30 საათზე, ილიას სახელმწიფო უნივერსიტეტის E 207 აუდიტორიაში ილიას სახელმწიფო უნივერსიტეტის ფუნდამენტური და ინტერდისციპლინარული მათემატიკური კვლევების ინსტიტუტის პროფესორი მერაბ სვანაძე წაიკითხავს ლექციას თემაზე: „თერმოდრეკადობის თეორიის ამოცანები სამგვარი ფოროვნობის სტრუქტურის მქონე მასალებისათვის“.

მოხსენება ეხება სამგვარი ფოროვნობის სტრუქტურის მქონე მასალების თერმოდრეკადობის თეორიის მდგრადი რხევის გამოკვლეულ ამოცანებსა და მიღებულ შედეგებს, ესენია:

• აიგო სამგვარი ფოროვნობის სტრუქტურის მქონე მასალების თერმოდრეკადობის თეორიის მათემატიკური მოდელი და ამ მოდელის მდგრადი რხევის განტოლებათა სისტემის ფუნდამენტური ამონახსნი ელემენტარული ფუნქციების საშუალებით. ამასთან დადგინდა ამ ამონახსნის ძირითადი თვისებები; 
• მიღებულია მდგრადი რხევის განტოლებათა სისტემის ზოგადი ამონახსნის წარმოდგენის ფორმულები; 
• აიგო გრინის ფორმულები და დადგინდა რეგულარული ვექტორის უსასრულობაში ქრობის პირობები (გამოსხივების პირობები); 
• დამტკიცდა მდგრადი რხევის შიგა და გარე სასაზღვრო ამოცანების რეგულარული (კლასიკური) ამონახსნების ერთადერთობის თეორემები; 
• აიგო მარტივი ფენის, ორმაგი ფენისა და მოცულობითი პოტენციალები და დადგინდა მათი თვისებები;
  
  

დრო: 14 დეკემბერი, 18:30 საათი

ადგილმდებარეობა: E 207 აუდიტორია (ქ. ჩოლოყაშვილის 3/5), ილიას სახელმწიფო უნივერსიტეტი

დასწრება თავისუფალია.