ღონისძიებები

28 ივნისს, 12:00 საათზე, ილიას სახელმწიფო უნივერსიტეტის B201 აუდიტორიაში გაიმართება მეოთხე ეროვნული ფესტივალი „მეცნიერება მთავარ როლში" (Science on Stage), რომლის ორგანიზატორია ილიაუნის საბუნებისმეტყველო განათლების კვლევითი ცენტრი SALiS.

ფესტივალზე წარმოდგენილი იქნება 19 პროექტი საბუნებისმეტყველო განათლების სხვადასხვა სფეროდან. ჟიურის მიერ შერჩეული ოთხი საუკეთესო პროექტის ავტორი 2026 წლის მაისში  საქართველოს წარმოადგენს საერთაშორისო ფესტივალზე კლაიპედაში (ლიეტუვა).

ფესტივალის მიზანია საბუნებისმეტყველო მეცნიერებების სწავლების ხელშეწყობა და ინოვაციური საგანმანათლებლო პრაქტიკის გაზიარება როგორც ადგილობრივ, ისე საერთაშორისო დონეზე.

დრო: 28 ივნისი, 12:00 საათი

ადგილმდებარეობა: ილიას სახელმწიფო უნივერსიტეტის B201 აუდიტორია, ი. ჭავჭავაძის გამზ. N32 

დასწრება თავისუფალია.

2025