![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
„ლიტერატურული ოდისეა“ - ლიტერატურული სერიის პრეზენტაცია ილიაუნის ლიტერატურულ კლუბში
ღონისძიებები
31 მარტს, 19:30 საათზე, ილიას სახელმწიფო უნივერსიტეტის წიგნის სახლში „ლიგამუსი“, ილიაუნის ლიტერატურული კლუბი და „ბაკურ სულაკაურის გამომცემლობა“ გიწვევთ ახალი ლიტერატურული სერიის პრეზენტაციაზე. სერიაში - სახელწოდებით, „ლიტერატურული ოდისეა“, თავმოყრილია მრავალი ქვეყნის თანამედროვე და კლასიკური მხატვრული ნაწარმოებები, რომლებსაც მსოფლიოში უკვე კარგად იცნობენ და რომელთა უმეტესობაც ქართულ ენაზე პირველად ითარგმნება.
აღნიშნული სერიით უკვე გამოვიდა: მიშელ უელბეკის „პლატფორმა“, ჰერმან ჰესე „ტრამალის მგელი“, არტურო პერეს-რევერტეს „დიუმას კლუბი“, ჩაკ პალანიკის „ძილისპირული“ და ეთგარ კერეთის „უეცრად კარზე აკაკუნებენ“.
სულ მალე გამოვა: ვლადიმირ ნაბოკოვის „ლოლიტა“, იოჰან ბორგენის „ნოველები სიყვარულზე“ და ჟოზეფ კესელის „დღის ლამაზმანი“.
შეხვედრის სტუმრები იქნებიან: იდეის ავტორი მიხეილ ციხელაშვილი და მთარგმნელები: თამარ ბაბუაძე (ეთგარ კერეთი, „უეცრად კარზე აკაკუნებენ“) და თამარ კვიჟინაძე (იოჰან ბორგენი, „ნოველები სიყვარულზე“).
დრო: 31 მარტი, 19:30 საათი
ადგილმდებარეობა: ილიას სახელმწიფო უნივერსიტეტის წიგნის სახლში „ლიგამუსი“ (ჭავჭავაძის გამზ. #32)
დასწრება თავისუფალია.