![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
კონკურსი: ევროკავშირის პრიზი ჟურნალისტიკაში 2015 წლისათვის - საინფორმაციო შეხვედრა
ღონისძიებები
12 ოქტომბერს, ორშაბათს, 13:00 საათზე, ილიას სახელმწიფო უნივერსიტეტის წიგნის სახლში ”ლიგამუსი”, შედგება საინფორმაციო შეხვედრა კონკურსთან - ევროკავშირის პრიზი ჟურნალისტიკაში 2015 წლისათვის - დაკავშირებით.
კონკურსში მონაწილეობის პირობები
კონკურსის - „ევროკავშირის პრიზი ჟურნალისტიკაში“ - პირობები განსაზღვრულია საქართველოს ჟურნალისტური ეთიკის ქარტიის პრინციპებზე დაყრდნობით და ემსახურება პროფესიონალიზმის ხელშეწყობასა და ეთიკური ქცევის ნორმების დამკვიდრებას ქართულ ჟურნალისტიკაში.
კონკურსანტების წარდგენა შეუძლიათ როგორც რედაქტორებს, ასევე არასამთავრობო/სამოქალაქო სექტორის წარმომადგენლებს. კონკურსზე დაიშვებიან 18 წელზე უფროსი ასაკის საქართველოს მოქალაქეები.
საკონკურსოდ განიხილება ქართულ, რუსულ ან ინგლისურ ენაზე გამოქვეყნებული/ტრანსლირებული მხოლოდ ის ნამუშევრები (საკონკურსო ნამუშევრები სპეციალური პრიზისთვის სამშვიდობო ჟურნალისტიკაში შესაძლოა იყოს ოსურ და აფხაზურ ენებზე), რომლებიც პირველად გამოქვეყნდა/გადაიცა ეთერში 2014 წლის 1-ლი ოქტომბრიდან 2015 წლის 30 ოქტომბრის ჩათვლით.
საკონკურსო კატეგორიები
ნამუშევრების წარდგენა შესაძლებელია შემდეგ კატეგორიებში:
- საუკეთესო საგამომძიებლო სტატია ბეჭდვით ან ონლაინმედიაში;
- საუკეთესო საგამოძიებო ტელე/რადიო სიუჟეტი;
- საუკეთესო ონლაინ ან ბეჭდური ბლოგი;
- ყველაზე ინფორმაციული ონლაინ მედიასაშუალება;
- საუკეთესო დოკუმენტური ფოტო, რომელიც ევროკავშირის ფასეულობებს ასახავს.
მონაწილეობის მიღება შესაძლებელია მხოლოდ ერთ საპრიზო კატეგორიაში.
კონკურსის შესახებ დაწვრილებითი ინფორმაცია და სააპლიკაციო ფორმა ხელმისაწვდომია კონკურსის ვებგვერდზე: www.euprizejournalism.ge ან წარმომადგენლობის ვებგვერდზე: http://eeas.europa.eu/delegations/georgia
საკონკურსო ნამუშევრების წარდგენის ბოლო ვადაა 2015 წლის 2 ნოემბერი. დაჯილდოების ცერემონიალი შედგება 2015 წლის 15 დეკემბერს.
საინფორმაციო შეხვედრის დრო: 12 ოქტომბერი, 13:00 საათი
ადგილმდებარეობა: ილიას სახელმწიფო უნივერსიტეტის წიგნის სახლი ”ლიგამუსი” (ჭავჭავაძის გამზ. №32)