![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
ილიაუნის საზაფხულო სკოლა ევროპელი სტუდენტებისათვის
ღონისძიებები
26 აგვისტოს, 18.00 საათზე, ეთნოგრაფიული მუზეუმის ტერიტორიაზე შედგება ილიას სახელმწიფო უნივერსიტეტის საზაფხულო სკოლის „სამხრეთი კავკასია: კულტურა, საზოგადოება,პოლიტიკა” საზეიმო გახსნა.
უკვე მესამე წელია, ილიას სახელმწიფო უნივერსიტეტი გერმანიის აკადემიური გაცვლის სამსახურის მხარდაჭერით ატარებს საზაფხულო სკოლას „სამხრეთი კავკასია: კულტურა, საზოგადოება, პოლიტიკა“. 26 აგვისტოდან 10 სექტემბრის ჩათვლით ილიას სახელმწიფო უნივერსიტეტი მასპინძლობს 20 გერმანელ სტუდენტსა და 2 გერმანელ პროფესორს, ესენი არიან პოლიტიკის მეცნიერებების და კულტურული გეოგრაფიის ცნობილი სპეციალისტები დოქტ. უვე ჰალბახი (ბერლინი) და პროფ. იორგ შტადელბაუერი (ფრაიბურგის ალბერტ-ლუდვიგის უნივერსიტეტი). გერმანელი სტუდენტები არიან ძირითადად პოლიტიკის მეცნიერების, კულტურის კვლევების, მედიისა და კავკასიოლოგიის სფეროებიდან. წელს მონაწილეობაზე განცხადება გერმანიიდან შემოიტანა დაახლოებით 60-მა მსურველმა.
თავდაპირველად DAAD აფინანსებდა 15 სტუდენტს, საზაფხულო სკოლის განსაკუთრებული პოპულარობის გამო პროგრამას კიდევ 5 სტიპენდია დაემატა.
მსურველთა რიცხვითა და კონკურსით DAAD-ს საზაფხულო სკოლებს შორის ჩვენი სკოლა პირველ ადგილზეა, რაც ილიას სახელმწიფო უნივერსიტეტში ვიზიტისას გვაცნობა დოქტ. ჰილერმა, DAAD-ის სამხრეთ და აღმოსავლეთ ევროპის რეგიონალურმა ხელმძღვანელმა და თანამშრომლობის გაფართოება შემოგვთავაზა.
გახსნას დაესწრებიან როგორც გერმანიის საელჩოს, ასევე სკოლაში ჩართული ორგანიზაციების წარმომადგენლები.