ღონისძიებები

9 ნოემბერს, 19:00 საათზე, ილიას სახელმწიფო უნივერსიტეტის წიგნის სახლში ”ლიგამუსი“ ილიაუნის ლიტერატურული კლუბი და გამომცემლობა ”დიოგენე“ გიწვევთ უმბერტო ეკოს ესეების კრებულის პრეზენტაციაზე. კრებული, სახელწოდებით - ”მტრის ხატის შექმნა“, იტალიურიდან თარგმნეს ხათუნა ცხადაძემ, დარეჯან კიკოლიაშვილმა და ნათია ბერიშვილმა. კლუბის სტუმრები წიგნის მთარგმნელები იქნებიან.

კრებულში შესული ესეების უმეტესობა დაწერილია ”შეკვეთით”, როგორც ჟურნალების თემატური ნომრებისთვის, ასევე კონფერენციებზე წაკითხული მოხსენებების საფუძველზე. ასე რომ, სხვადასხვა თემას სხვადასხვა შემთხვევა განსაზღვრავდა: რატომ იქმნიან ადამიანები დღემდე მტრის ხატს? როდის უჩნდება ადამიანის ემბრიონს სული? როგორ აისახება მეცნიერულ-ტექნიკური პროგრესი დიპლომატიურ სამსახურზე?.. უსაზღვრო ერუდიცია ხელს არ უშლის ავტორს, ამა თუ იმ თემაზე მსუბუქი ტონით ისაუბროს, ანუ თავადაც იხალისოს და მკითხველიც გაართოს.

წიგნი შედის სერიაში ”დიოგენეს ბიბლიოთეკა“ და პრეზენტაციაზე სპეციალურ ფასად, 10 ლარად გაიყიდება.

დრო: 9 ნოემბერი, 19:00 საათი

ადგილმდებარეობა: ილიას სახელმწიფო უნივერსიტეტის წიგნის სახლი ”ლიგამუსი“ (ჭავჭავაძის გამზ. №32)

დასწრება თავისუფალია.