![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
ილიაუნის ლიტერატურულ კლუბში - მთარგმნელი ნინო ბექიშვილი ნობელიანტი მწერლის შესახებ
ღონისძიებები
19 ნოემბერს, 19:00 საათზე, ილიას სახელმწიფო უნივერსიტეტის წიგნის სახლში ”ლიგამუსი” ილიაუნის ლიტერატურულ კლუბი მორიგ შეხვედრაზე გიწვევთ. 2015 წლის ნობელის პრემიის ლაურეატმა, ბელარუსმა მწერალმა სვეტლანა ალექსიევიჩმა ზეპირი ისტორიის მეთოდის გამოყენებით ახალი ლიტერატურული ჟანრი შექმნა - მწერალი „წითელ“ ადამიანს იკვლევს, უბრალო ხალხს ხვდება და მათი მონათხრობით საბჭოთა ისტორიის უმნიშვნელოვანეს ისტორიულ მოვლენებს აღადგენს: მეორე მსოფლიო ომს, ავღანეთში ინტერვენციას, ჩერნობილის კატასტროფას, სსრკ-ის დაშლას. როგორ იქცევა ნამდვილ ლიტერატურად უბრალო ადამიანის მონათხრობი? ან იქცევა თუ არა? თუ ეს მაინც კარგი ჟურნალისტური ნამუშევარია? ალექსიევიჩის შესახებ „ჩერნობილის ლოცვის“ მთარგმნელი ნინო ბექიშვილი ისაუბრებს.
დრო: 19 ნოემბერი, 19:00 საათი
ადგილმდებარეობა: ილიას სახელმწიფო უნივერსიტეტის წიგნის სახლი ”ლიგამუსი” (ჭავჭავაძის გამზ. №32)
დასწრება თავისუფალია.