ილიაუნი 10 წლისაა - ილიაუნის თეატრის საბავშვო სპექტაკლი
ღონისძიებები
16 ივლისს, 14:00 საათზე, ილიაუნის დაბადების დღეზე - ილიაუნის 10 წლისაა , ლისის ტბაზე, ღია ცის ქვეშ ილიაუნის თეატრი გამართავს საბავშვო სპექტაკლს - „ბაბუას გზავნილი“.
სპექტაკლი სკოლის მოსწავლე ბიჭზეა, ოთოზე, რომელსაც ყველაფერი ეზარება: წიგნის კითხვაც, საკუთარი ოთახის დალაგებაც... მხოლოდ კომპიუტერული თამაშები იზიდავს. ერთხელაც, ბიჭს ბაბუა ესიზმრება, შენზე გაბრაზებული ვარო, საყვედურობს და ზღაპრის პერსონაჟებს აცნობს - წითელქუდა, პეპი გრძელიწინდა, ალადინი და მგელიც კი სხვადასხვა ქვეყნის ზღაპრებიდან იმისთვის ჩამოვიდნენ, რომ ოთოს კითხვა შეაყვარონ.
ნანა კაკაბაძის პიესა რეჟისორმა რუსუდან კობიაშვილმა დადგა ილიაუნის თეატრალური ხელოვნების პროგრამის სტუდენტების მონაწილეობით.
დრო: 16 ივლისი, 14:00 საათი
ადგილმდებარეობა: ლისის ტბის მიმდებარე ტერიტორია (იხ. რუკა)