![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
იანის სიმონიდესის პერფორმანსი „სოკრატე დღეს"
ღონისძიებები
25 ოქტომბერს, 19:00 საათზე, ილიას სახელმწიფო უნივერსიტეტის თეატრში გაიმართება იანის სიმონიდესის სამეცნიერო-პოპულარული პერფორმანსი „სოკრატე დღეს". წარმოდგენა საბერძნეთისა და საქართველოს დიპლომატიური ურთიერთობების 25 წლისთავს ეძღვნება.
თეატრალურ წარმოდგენაში ცოცხლდება პლატონის უკვდავი კლასიკა – მაყურებელი დიდი ფილოსოფოსის სასამართლო პროცესის „თვითმხილველი“ ხდება, ეცნობა სოკრატეს აზრებს სათნოებაზე, სამოქალაქო ვალდებულებაზე, სიცოცხლისა და ქვეყნის სიყვარულზე.
მთავარი როლის შემსრულებელი იანის სიმონიდესი „ემის" ჯილდოს მფლობელია. „დაუდეგარი, იუმორისტული, დიდებული და მომაჯადოებელი“, – წერდა ''Odyssey Magazine'' (აშშ) მის შესახებ. „შთამაგონებელი, ვირტუოზული შესრულება“, – ასე აფასებდა მსახიობს ''Luxembourger Wort''.
ღონისძიება ორგანიზებულია საბერძნეთის საელჩოს მიერ საქართველოში ილიას სახელმწიფო უნივერსიტეტთან თანამშრომლობით.
„სოკრატე დღეს" 450 წარმოდგენა 20-ზე მეტ ქვეყანაში გაიმართა.
დრო: 25 ოქტომბერი, 19:00 საათი
ადგილმდებარეობა: ილიაუნის თეატრი (ილია ჭავჭავაძის გამზ. N32)
დასწრება თავისუფალია.