![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
გრანტები სტუდენტური ინოვაციური პროექტებისათვის
ღონისძიებები
28 ოქტომბერს, ოთხშაბათს, 17:00 საათზე, ილიას სახელმწიფო უნივერსიტეტის წიგნის სახლში ”ლიგამუსი” (ჭავჭავაძის გამზ. №32) შედგება საინფორმაციო შეხვედრა საგრანტო კონკურსთან დაკავშირებით, რომელსაც განათლების, მეცნიერებისა და ტექნოლოგიების განვითარების თს ფონდი ხვალინდელი წარმატებისათვის აცხადებს სტუდენტური ინოვაციური პროექტებისათვის.
კონკურსის მიზანი:
კონკურსის მიზანია, აამაღლოს სტუდენტების კვლევების კომერციალიზაციაში ჩართვის მოტივაცია; დაეხმაროს ნიჭიერ ახალგაზრდებს ინოვაციური იდეების რეალიზაციაში; გაზარდოს სტუდენტების მისწრაფება, მიღებული ცოდნა გამოიყენონ პრაქტიკული ინოვაციებისთვის; მიმართოს ნიჭიერი და კრეატიული სტუდენტების ინტელექტუალური პოტენციალი მაღალტექნოლოგიური მეწარმეობის განვითარებისკენ, ამ გზით კი ხელი შეუწყოს ქვეყნის ბიზნესის კონკურენტუნარიანობის გაუმჯობესებასა და, საბოლოოდ, ცოდნაზე დაფუძნებული ეკონომიკის ჩამოყალიბებას.
მონაწილეობის პირობები:
კონკურსში მონაწილეობა შეუძლიათ საქართველოს ან მის ფარგლებს გარეთ უმაღლესი ან/და პროფესიული საგანმანათლებლო დაწესებულების სტუდენტებს (ასევე პირებს, რომელთაც 2015 წელს დაამთავრეს ზემოაღნიშნული საგანმანათლებლო დაწესებულებებიდან ერთ-ერთი და აქვთ ამის დამადასტურებელი დოკუმენტი).
პროექტის ხელმძღვანელი უნდა იყოს საქართველოს მოქალაქე.
კონკურსზე წარმოდგენილი პროექტები უნდა აკმაყოფილებდეს შემდეგ მოთხოვნებს: პროექტის ხანგრძლივობა არ უნდა აღემატებოდეს 6 თვეს, ხოლო ფონდიდან მოთხოვნილი თანხა - 10 000 ლარს.
ცალკეულ შემთხვევებში, ფონდი განიხილავს წარმატებული პროექტების გაგრძელებისა და დამატებითი დაფინანსების შესაძლებლობას.
რეგისტრაცია და ვადები:
კონკურსში მონაწილეობის მისაღებად, აუცილებელია, გაიაროთ რეგისტრაცია ფონდის ვებგვერდზე www.tsfund.ge და შეავსოთ პროფესიული ბიოგრაფიის (CV) ფორმა. ამის შემდეგ შეძლებთ, დაარეგისტრიროთ საგრანტო პროექტი.
პროექტების ელექტრონული რეგისტრაცია შესაძლებელია 2015 წლის 25 ნოემბრის 00:00 საათამდე.
კონკურსის პირველ ეტაპზე, პროექტის საბოლოო წარდგენის შემდეგ, ელექტრონული ბაზა პროექტს მიანიჭებს უნიკალურ შიფრს და განცხადება კონკურსში მონაწილეობის შესახებ, ხელმოწერილი, დასკანერებული სახით, 26 ნოემბრის 00:00 საათამდე გაიგზავნება ფონდში შემდეგ ელექტრონულ მისამართზე: sig@tsfund.ge
საკონტაქტო ინფორმაცია:
ანი ჩიქოვანი
ტელ.: 577 741447
ელფოსტა: chikovani@tsfund.ge
გელა ჯავახიშვილი
ტელ.: 577 112001
ელფოსტა: javakhishvili@tsfund.ge