ღონისძიებები

19 დეკემბერს, 19:00 საათზე, ილიას სახელმწიფო უნივერსიტეტის G106 აუდიტორიაში მეცნიერებათა და ხელოვნების ფაკულტეტის მოწვეული პროფესორი, გიორგი გახელაძე, წაიკითხავს საჯარო ლექციას თემაზე: „განათლებისა და მეცნიერების რეფორმები საქართველოში“.

მომხსენებელი ისაუბრებს განათლების პოლიტიკის ძირითად მიმართულებებზე, სფეროში მიმდინარე რეფორმების განვითარებაზე საქართველოში; ასევე, სახელმწიფოს როლზე განათლების პოლიტიკაში, სახელმწიფოსა და საზოგადოებრივი ძალაუფლების ბალანსზე განათლების სისტემაში.

საჯარო ლექცია ჩატარდება ილიაუნის საჯარო პოლიტიკის კვლევისა და ტრენინგების ცენტრის (PPRTC) მიერ ორგანიზებული ლექციათა კურსის - „ევროპეიზაციის გავლენა საჯარო პოლიტიკის ცვლილებაზე საქართველოში“ - ფარგლებში. კურსის მიმდინარეობისას მსმენელები გაიღრმავებენ ცოდნას იმის შესახებ, თუ რა გავლენა მოახდინა ევროპეიზაციის პროცესმა საჯარო პოლიტიკის სხვადასხვა მიმართულებაზე საქართველოში: მაკროეკონომიკაზე, ჯანდაცვაზე, განათლებაზე, სამართალზე, თავდაცვასა და საგარეო პოლიტიკაზე.

ლექციის დასასრულს გაიმართება დისკუსია.

დრო: 19 დეკემბერი, 19:00 საათი
ადგილმდებარეობა: G106 აუდიტორია (გ. წერეთლის ქ. #1), ილიას სახელმწიფო უნივერსიტეტი

დასწრება თავისუფალია.