ღონისძიებები

ილიას სახელმწიფო უნივერსიტეტის სტუდენტურ საქმეთა დეპარტამენტმა 9 ოქტომბერს შემეცნებითი ბანაკის საგზურით დააჯილდოვა 2017 წლის ერთიანი ეროვნული გამოცდების შედეგებით ყველაზე მაღალი ქულების მქონე ილიაუნის 100 პირველკურსელი.

20-22 ოქტომბერს ილიაუნის დედოფლისწყაროს ბაზაზე გაიმართა შემეცნებითი ბანაკი სტუდენტების პირველი ნაკადისთვის. პროგრამაში ჩართული იყო ილიაუნის ოთხივე ფაკულტეტი. ტრენინგი მოიცავდა შემდეგ თემებს:

• „აღმოჩენები ბუნებისმეტყველებაში და ტექნოლოგიების განვითარება“ – გიორგი დალაქიშვილი (საბუნებისმეტყველო მეცნიერებებისა და საინჟინრო ფაკულტეტი)
• „უფლების შინაარსი და მისი ისტორიული განვითარება“ – გიორგი ნონიაშვილი (სამართლის სკოლა)
• „ტურიზმის ინდუსტრია საქართველოში“ – გიორგი ქემერტელიძე (ბიზნესის სკოლა)
• „რელიგია და სახელმწიფო - სამოქალაქო რელიგია საქართველოში“ – ზვიად ზალიკიანი (მეცნიერებათა და ხელოვნების ფაკულტეტი)

გასვლითი სკოლის მონაწილეებს გადაეცათ სერტიფიკატები.

ერთიანი ეროვნული გამოცდების შედეგებით ყველაზე მაღალი ქულების მქონე ილიაუნის სტუდენტთა მეორე ნაკადი სტუდენტურ საქმეთა დეპარტამენტის გასვლით სკოლაში მონაწილეობას 27-29 ოქტომბერს მიიღებს.