დისკუსია თემაზე: „საუნივერსიტეტო რეფორმის სოციოკულტურული ასპექტები საქართველოში: უნივერსიტეტი სტაბილური საზოგადოებისათვის“
ღონისძიებები
4 ივნისს, სამშაბათს, 13.00 საათზე, ილიას სახელმწიფო უნივერსიტეტის წიგნის სახლ „ლიგამუსში“ გაიმართება მრგვალი მაგიდა-დისკუსია თემაზე: „საუნივერსიტეტო რეფორმის სოციოკულტურული ასპექტები საქართველოში: უნივერსიტეტი სტაბილური საზოგადოებისათვის“.
დისკუსია იმართება ილიას სახელმწიფო უნივერსიტეტის შედარებითი ლიტერატურის ინსტიტუტისა და კენტის უნივერსიტეტის (დიდი ბრიტანეთი) თანამშრომლობით ორგანიზებული საერთაშორისო ვორქშოფის ფარგლებში.
მასში მონაწილეობენ: კენტის უნივერსიტეტის, დიდი ბრიტანეთი, პროფესორი დევიდ აიერსი; ილიას სახელმწიფო უნივერსიტეტის პროფესორები: გიგა ზედანია, ნინო დობორჯგინიძე, გია ნოდია, ოლივერ რაისნერი, სერგო რატიანი, ლევან ცაგარელი, ტიმოთი ბლაუველთი; რურის უნივერსიტეტის, ბოხუმი, გერმანია, პროფესორი მირია ლეკე; საქართველოს უნივერსიტეტის, თბილისი, პროფესორი თინათინ ბოჭორიშვილი.
მოდერატორი: ბელა წიფურია.
დისკუსიის ფარგლებში ჰუმანიტარული და სოციალური მეცნიერებების პერსპექტივიდან დასმული იქნება შეკითხვები საუნივერსიტეტი სისტემის სოციალური/სოციოკულტურული როლის შესახებ საქართველოში: როგორ უნდა შევაფასოთ საუნივერსიტეტო განათლების მოდერნიზაციისა და ევროპეიზაციის შედეგები ისეთ ზოგად მიზნებთან მიმართებაში, როგორებიცაა: თანასწორობისა და თანაბარუფლებიანობის ღირებულებების ერთგულება საზოგადოებაში; სტაბილური და პროგრესზე ორიენტირებული გარემოს ჩამოყალიბება ქვეყანაში.
სამუშაო ენები: ქართული, ინგლისური
დრო: 4 ივნისი, 13:00 საათი
ადგილმდებარეობა: წიგნის სახლი „ლიგამუსი“ (ი. ჭავჭავაძის გამზ. N32)
დასწრება თავისუფალია.
2019