განცხადებები

ილიას სახელმწიფო უნივერსიტეტის ფსიქიკური ჯანმრთელობის რესურსცენტრი, საქართველოს ფსიქოტრავმის საზოგადოება, საქართველოს წამების მსხვერპლთა რეაბილიტაციის ცენტრი, კავშირი „საფარი“ და ფონდი „გლობალური ინიციატივა ფსიქიატრიაში-თბილისი“ 2014 წლის 25-26 აპრილს გამართავენ ნ. ზაზაშვილის სახელობის ყოველწლიურ კონფერენციას „ტრავმა და საზოგადოება: კვლევა და პრაქტიკა“.
კონფერენცია ჩატარდება ილიას სახელმწიფო უნივერსიტეტის G 106 დარბაზში
14:00-18:00 სთ – 25 აპრილს;
10:30-16:00 სთ – 26 აპრილს.
 
კონფერენციის ძირითადი თემებია:
- ფსიქოტრავმა, მისი მექანიზმები და გამოვლინებები;
- ტრავმის შემდგომი აშლილობების მკურნალობა და მოვლა;
- უახლესი კვლევები ფსიქოტრავმის სფეროში; მათი ზეგავლენა;
- მტკიცებულებაზე დაფუძნებული ინტერვენციების დანერგვა და განხორციელება.
 
კონფერენციას გახსნის პროფესორი ჯონათან ბისონი (კარდიფის უნივერსიტეტი, დიდი ბრიტანეთი) ლექციით The impact of DSM5 and ICD11 on PTSD; ის ასევე წარუძღვება სემინარს „ტრავმის ნეირობიოლოგია და ფარმაკოლოგია“.
 მოხსენებებს წარადგენენ საქართველოს ფსიქოტრავმის საზოგადოების წევრები და ამ დარგის სხვა სპეციალისტები.  გთხოვთ, გამოგზავნოთ თქვენი აბსტრაქტები 15 აპრილამდე.
 
კონფერენციის სამუშაო ენებია ქართული და ინგლისური.