განცხადებები

ილიას სახელმწიფო უნივერსიტეტი აგრძელებს 2023 წლის 1-ელი აგვისტოს მდგომარეობით ფინანსური დავალიანების მქონე სტატუსშეჩერებული სტუდენტებისთვის დავალიანების ჩამოწერის პროცესს.

ზემოაღნიშნულ სტუდენტებს სტატუსის აღდგენის მოთხოვნით შეუძლიათ მიმართონ შესაბამისი განცხადებით უნივერსიტეტს არა უგვიანეს მიმდინარე წლის 13 ოქტომბრისა.

მნიშვნელოვანია:

ფინანსური დავალიანების მქონე სტატუსშეჩერებულ სტუდენტებს სრულად ჩამოეწერებათ 2023 წლის 1-ელი აგვისტოს მდგომარეობით არსებული დავალიანება, მიუხედავად იმისა, მიმართავენ თუ არა უნივერსიტეტს აღდგენის მოთხოვნით მიმდინარე სემესტრში. შესაბამისად, ამ სტუდენტებს სტატუსის აღდგენის მოთხოვნით განცხადებით მომართვა შეეძლებათ მომდევნო სემესტრებშიც, სტატუსის შეჩერებიდან 5 წლის განმავლობაში.

ვის შეუძლია მოგვმართოს:

• საქართველოს მოქალაქეებს;
• სამივე საფეხურის (ბაკალავრიატი, მაგისტრატურა, დოქტორანტურა) სტუდენტებს;
• სტუდენტური სტატუსის შეჩერებიდან არ უნდა იყოს გასული 5 წელი.

სტუდენტები, რომლებიც მოიპოვებენ შემოდგომის სემესტრში სტატუსის აღდგენის უფლებას, ვალდებულნი არიან, მიმდინარე და მომდევნო სემესტრების სწავლის საფასური გადაიხადონ უნივერსიტეტში დადგენილი წესის შესაბამისად.

სტატუსის აღდგენის მსურველთა განცხადებების მიღება იწარმოებს როგორც ელექტრონულად

• არგუსი - შესაბამისი ბლანკით სტატუსის აღდგენა.
• ელფოსტა - info@iliauni.edu.ge

ასევე უნივერსიტეტის კანცელარიაში, მისამართზე: თბილისი, ქ. ჩოლოყაშვილის გამზირი 3/5, ოთახი E 109.

2023