განცხადებები

ილიას სახელმწიფო უნივერსიტეტის ბიზნესის ფაკულტეტზე არსებული ტურიზმის ცენტრი აცხადებს მიღებას სასერტიფიკატო კურსებზე სასტუმროსა და ტურიზმის სფეროში დასაქმებულ პირთათვის, ასევე სხვა დაინტერესებულთათვის. კურსები ხორციელდება უნივერსიტეტისა და Global Star-ის (სასტუმროების კლასიფიკაციის ასოციაცია) თანამშრომობის საფუძველზე.
 
მიმდინარეობს მიღება შემდეგ კურსებზე:
·         სასტუმროს მენეჯმენტი;
·         მარკეტინგი და გაყიდვები სასტუმრო საქმეში;
·         სასტუმროს ფინანსური მენეჯმენტი;
·         ლოჯისტიკის და ინფრასტრუქტურის მართვა სასტუმრო საქმეში.
 
თითოეული ინტენსიური კურსის ხანგრძლივობა შეადგენს 3 თვეს (სულ 72 აკადემიური საათი). კურსებს გაუძღვებიან მაღალკვალიფიციური სპეციალისტები ტურიზმის და სასტუმროს მენეჯმენტის სფეროში (დეტალური ინფორმაცია კურსების შესახებ იხილეთ თანდართულ ფაილებში).
 
კურსის საფასური შეადგენს: 500 ლარს (გამონაკლისს წარმოადგენს სასტუმროს მენეჯმენტის კურსი, რომლის ხანგრძლივობაა 84 აკ. საათი, ხოლო საფასური - 580 ლარი).
 
კურსის დასრულებისას გაიცემა ილიას სახელმწიფო უნივერსიტეტისა და Global Star-ის ერთობლივი სერტიფიკატი.
 
დაინტერესებულმა პირებმა რეგისტრაციისთვის უნდა შეავსონ მოცემული გრაფა და გააგზავნონ შემდეგ ელ-ფოსტის მისამართზე: tourism.centre@iliauni.edu.ge, საკონტაქტო ნომერი: 229 47 12 (26 სექტემბრამდე), 222 15 60 ნინო ჩხეტია.

გთხოვთ წერილის სათაურის ველში მიუთითოთ ”სასერტიფიკატო კურსი”.