![პრაღაში დატრიალებული უმძიმესი ტრაგედიის გამო ილიას უნივერსიტეტი სამძიმარს უცხადებს კარლის უნივერსიტეტს](https://iliauni.edu.ge/uploads/photo/cache/81/291ece5aa3a50fd42107bf360ba3cada_81628.jpg)
![ინფორმაცია 2023 წლის 1-ელი აგვისტოს მდგომარეობით სტატუსშეჩერებული ფინანსური დავალიანების მქონე სტუდენტთათვის ფინანსური დავალიანების ჩამოწერისა და სტატუსის აღდგენის შესახებ](https://iliauni.edu.ge/uploads/photo/cache/80/3d61bde84d63ccb9f3888f4e01332438_80244.png)
![ილიას სახელმწიფო უნივერსიტეტის განცხადება](https://iliauni.edu.ge/uploads/photo/cache/79/a9ba6f3e8c9aee77be2cc1491b2faa06_79958.png)
კონსტიტუციისა და დემოკრატიის სალექციო პროგრამა
განცხადებები
ილიას სახელმწიფო უნივერსიტეტის კონსტიტუციური კვლევების ცენტრი, დაინტერესებული სტუდენტებისთვის, აცხადებს მიღებას:
“კონსტიტუციისა და დემოკრატიის სალექციო პროგრამაზე”
სალექციო კურსის მონაწილეებს საშუალება ექნებათ, შეხვდნენ ცნობილ იურისტებსა და პოლიტოლოგებს და გაიღრმავონ ცოდნა კონსტიტუციონალიზმის სფეროში.
სალექციო კურსი შეეხება შემდეგ თემებს:
1. კონსტიტუციის მნიშვნელობა დემოკრატიის განვითარებისთვის - აშშ-ს მაგალითი
2. კონსტიტუცია და დემოკრატიული კონსოლიდაცია
3. კონსტიტუცია და დემოკრატიული ტრანზიცია
4. ხელისუფლების დანაწილება და დემოკრატია
5. პოლიტიკური პარტიები, დემოკრატია და კონსტიტუცია
6. კონსტიტუციური კონტროლი: კონფლიქტი დემოკრატიის პრინციპებთან
სალექციო პროგრამაზე დაშვების წინაპირობები:
პროგრამაში მონაწილეობის მიღება შეუძლიათ ილიას სახელმწიფო უნივერსიტეტის სამართლის სკოლის სტუდენტებს.
პროცედურული საკითხები:
•პროგრამის ხანგრძლივობა: 6 კვირა
• პროგრამის დაწყების თარიღი: 20 ნოემბერი
• ლექციების ჩატარების დრო:18:00
• ლექციების ჩატარების ადგილი:წინასწარ ეცნობებათ მონაწილეებს
• სწავლების ენა:ქართული
სალექციო პროგრამის დამთავრების შემდეგ გაიცემა კონსტიტუციური კვლევების ცენტრის სერთიფიკატი.სალექციო პროგრამაში მონაწილეობის მსურველთა საყურადღებოდ:
სალექციო პროგრამაში მონაწილეობის მიღების მსურველებმა უნდა გაიარონ შერჩევითი ეტაპი, რომლის წარმატებით დაძლევის შემთხვევაში გაწევრიანდებიან სალექციო ჯგუფში.
დაინტერესებულმა სტუდენტებმა გამოაგზავნეთ თქვენი CV და სამოტივაციო წერილი (500-დან 700 სიტყვამდე), შემდეგ მისამართზე: info@conlaw.iliauni.edu.ge
ილიას სახელმწიფო უნივერსიტეტის
კონსტიტუციური კვლევების ცენტრი,
მისამართი: თბილისი 0162, საქართველო,
ქაქუცა ჩოლოყაშვილის გამზირი 3/5,
საკონტაქტო პირი: ნინო ჭელიძე, დირექტორის ასისტენტი.