![პრაღაში დატრიალებული უმძიმესი ტრაგედიის გამო ილიას უნივერსიტეტი სამძიმარს უცხადებს კარლის უნივერსიტეტს](https://iliauni.edu.ge/uploads/photo/cache/81/291ece5aa3a50fd42107bf360ba3cada_81628.jpg)
![ინფორმაცია 2023 წლის 1-ელი აგვისტოს მდგომარეობით სტატუსშეჩერებული ფინანსური დავალიანების მქონე სტუდენტთათვის ფინანსური დავალიანების ჩამოწერისა და სტატუსის აღდგენის შესახებ](https://iliauni.edu.ge/uploads/photo/cache/80/3d61bde84d63ccb9f3888f4e01332438_80244.png)
![ილიას სახელმწიფო უნივერსიტეტის განცხადება](https://iliauni.edu.ge/uploads/photo/cache/79/a9ba6f3e8c9aee77be2cc1491b2faa06_79958.png)
კონფერენცია პროფესორებისა და მკვლევარებისთვის
განცხადებები
(თეორეტიკოსები და პრაქტიკოსები) XXI საუკუნის ქართული ხელოვნება მსოფლიო კონტექსტში (ბათუმი, 2012 წლის 24-26 სექტემბერი)
ბათუმის ხელოვნების სასწავლო უნივერსიტეტისა და ილიას სახელმწიფო უნივერსიტეტის ხელოვნების სამეცნიერო-კვლევითი ინსტიტუტის ინიციატივით, ნიდერლანდების სამეფოს კულტურის საერთაშორისო ფონდ ”კვკასიის” მხარდაჭერით, ბათუმში, 24-26 სექტემბერს გაიმართება რესპუბლიკური სამეცნიერო კონფერენცია, სახელწოდებით ”XXI საუკუნის ქართული ხელოვნება მსოფლიო კონტექსტში”, რომელშიც მონაწილეობა შეუძლიათ პროფესორებსა და მკვლევარებს.
კონფერენციაში მონაწილეობის მსურველებმა აუცილებელია გაითვალისწინონ შემდეგი მოთხოვნები და პირობები:
- 15 ივლისამდე უნდა წარმოადგინოთ თეზისები ქართულ და ინგლისურ ენაზე;
- თეზისებთან ერთად, აუცილებლად უნდა შეავსოთ განაცხადი, რომელიც აღნიშნულ ინფორმაციას ერთვის თან; განაცხადი იხ. სრულად.
- განაცხადთან და თეზისებთან ერთად, უნდა მოგვაწოდოთ მოკლე CV და ფოტოსურათი (ელექტრონულ ფორმატში);
- 20 ივლისიდან 1 აგვისტომდე უნდა მოგვაწოდოთ მოხსენების სრული ვარიანტი;
კონფერენციაში მონაწილეობის მსურველებმა საჭიროა გაითვალისწინონ მოთხოვნა: თეზისებისა და მოხსენების ტექსტის შრიფტი - Sylfaen, შრიფტის ზომა - 11, დაშორება 1.5, მოხსენების დრო არ უნდა აღემატებოდეს 10 წუთს.
- ავტორები, რომელთა სელექცია თეზისების მიხედვით მოხდება, კონფერენციაში მონაწილეობის პასუხს 20 ივლისს შეიტყობენ;
- ბათუმის ხელოვნების სასწავლო უნივერსიტეტისა და ილიას სახელმწიფო უნივერსიტეტის პროფესორებისთვის და მკვლევარებისთვის კონფერენციაში მონაწილეობა უფასოა, ხოლო სხვა უნივერსიტეტებისა თუ ინსტიტუტების წარმომადგენლებისთვის სარეგისტრაციო თანხაა - 20 ლარი;
- ორგანიზატორები საკუთარ თავზე იღებენ მონაწილეთა თეზისების ბეჭდვას, მონაწილეთა დახვედრასა და გაცილებას, სესიების დროს ჩაი/ყავას;
- კონფერენციაში მონაწილეთა რიცხვი შეზღუდულია;
კონფერენციის საორგანიზაციო და აკადემიური საბჭო:
1. პროფესორი ერმილე მესხია - თავმჯდომარე / ბათუმის ხელოვნების უნივერსიტეტი;
2. პროფესორი ლევან ხეთაგური - თავჯდომარის მოადგილე / ილიას სახელმწიფო უნივერსიტეტი;
3. პროფესორი ქეთევან ვაჩეიშვილი / ბათუმის ხელოვნების უნივერსიტეტი;
4. პროფესორი მაია ჭიჭილეიშვილი - კოორდინატორი / ბათუმის ხელოვნების უნივერსიტეტი;
5. პროფესორი იური მღებრიშვილი - კოორდინატორი / ილიას სახელმწიფო უნივერსიტეტი;
6. პროფესორი ნინო მხეიძე / ილიას სახელმწიფო უნივერსიტეტი;
7. ქეთევან ჩხიკვაძე - საორგანიზაციო მდივანი / ილიას სახელმწიფო უნივერსიტეტი.
კონფერენციის საორგანიზაციო და ლოჯისტიკურ საკითხებზე პასუხისმგებელია ნიდერლანდების სამეფოს კულტურის საერთაშორისო ფონდი ”კავკასია”.
მოთხოვნილი ინფორმაცია უნდა გამოგვიგზავნოთ შემდეგ ელექტრონულ მისამართზე: ari@iliauni.edu.ge
დამატებითი ინფრომაციისთვის და შეკითხვებისთვის, გთხოვთ დაგვიკავშირდეთ:
(+995) 577 38 56 55 - ქეთევან ჩხიკვაძე - საორგანიზაციო მდივანი / ილიას სახელმწიფო უნივერსიტეტი.