![პრაღაში დატრიალებული უმძიმესი ტრაგედიის გამო ილიას უნივერსიტეტი სამძიმარს უცხადებს კარლის უნივერსიტეტს](https://iliauni.edu.ge/uploads/photo/cache/81/291ece5aa3a50fd42107bf360ba3cada_81628.jpg)
![ინფორმაცია 2023 წლის 1-ელი აგვისტოს მდგომარეობით სტატუსშეჩერებული ფინანსური დავალიანების მქონე სტუდენტთათვის ფინანსური დავალიანების ჩამოწერისა და სტატუსის აღდგენის შესახებ](https://iliauni.edu.ge/uploads/photo/cache/80/3d61bde84d63ccb9f3888f4e01332438_80244.png)
![ილიას სახელმწიფო უნივერსიტეტის განცხადება](https://iliauni.edu.ge/uploads/photo/cache/79/a9ba6f3e8c9aee77be2cc1491b2faa06_79958.png)
ჰუმანიტარულ მეცნიერებათა და კულტურის კვლევების ფაკულტეტზე აკადემიურ თანამდებობებზე კონკურსის გამოცხადების შესახებ
უმაღლესი განათლების შესახებ საქართველოს კანონის 34-ე და 35-ე მუხლების, საქართველოს განათლებისა და მეცნიერების მინისტრის 2007 წლის 14 აგვისტოს №664 ბრძანებით დამტკიცებული ილია ჭავჭავაძის სახელმწიფო უნივერსიტეტის წესდების 54-ე, 55-ე მუხლების, " ილია ჭავჭავაძის სახელმწიფო უნივერსიტეტში აკადემიურ თანამდებობებზე კონკურსის ჩატარების წესის და აკადემიურ თანამდებობებზე დასაქმების პირობების", ჰუმანიტარულ მეცნიერებათა და კულტურის კვლევების ფაკულტეტის საბჭოს 2009 წლის 2 სექტემბრის №11 სხდომის ოქმის, ფაკულტეტის დეკანის გ. ზედანიას 2009 წლის 2009 წლის 2 სექტემბრის №02-7035 წარდგინების საფუძველზე.
ვ ბ რ ძ ა ნ ე ბ
1. 2009 წლის 2 სექტემბრიდან გამოცხადდეს ღია კონკურსი ილია ჭავჭავაძის სახელმწიფო უნივერსიტეტში ჰუმანიტარულ მეცნიერებათა და კულტურის კვლევების ფაკულტეტზე შემდეგი აკადემიური თანამდებობების დასაკავებლად :
ა) სრული პროფესორი: არქეოლოგიის მიმართულებით ორ საშტატო ერთეულზე და კავკასიოლოგიის მიმართულებით ერთ საშტატო ერთეულზე;
ბ)ასოცირებული პროფესორი: კავკასიოლოგიის მიმართულებით ერთ საშტატო ერთეულზე;
გ)ასისტენტ პროფესორი: არქეოლოგიის მიმართულებით ერთ საშტატო ერთეულზე, ისტორიის მიმართულებით სამ საშტატო ერთეულზე, კულტურისა და რელიგიის მიმართულებით ერთ საშტატო ერთეულზე, კულტურის კვლევების მიმართულებით ორ საშტატო ერთეულზე; ფილოლოგიის მიმართულებით ორ საშტატო ერთეულზე, ენისა და ლიტერატურის მიმართულებით ერთ საშტატო ერთეულზე.
2. კონკურსი უნდა შეესაბამებოდეს გამჭვირვალობის, თანასწორობისა და სამართლიანი კონკურენციის პრინციპებს.
3. კონკურსში მონაწილეობის მისაღებად კანდიდატმა უნდა წარმოადგინოს:ა) უნივერსიტეტის ადმინისტრაციის მიერ შემუშავებული ანკეტა ( შევსებული);
ბ) პირადობის მოწმობის ასლი;
გ)ოთხი ფოტოსურათი 3X4;
დ)შესაბამისი სამეცნიერო ან აკადემიური ხარისხის დამადასტურებელი საბუთის ასლი;
ე)ერთი სამეცნიერო ნაშრომი, რომელიც კანდიდატის აზრით საუკეთესოდ წარმოაჩენს მის კვლევით უნარს;
ვ)ერთი სასწავლო კურსის სასწავლო გეგმა ( სილაბუსი);
ზ) სრული პროფესორის თანამდებობის დასაკავებლად კანდიდატმა, გარდა ზემოაღნიშნულისა, უნდა წარმოადგინოს შესაბამისი დისციპლინის სწავლების კონცეფცია საბაკალავრო, სამაგისტრო და სადოქტორო დონეებზე;
თ) კანდიდატს შეუძლია აგრეთვე წარმოადგინოს სხვა საბუთები, რომლებიც ადასტურებს მის შესაბამისობას ამ ბრძანების მე-5 მუხლში ჩამოთვლილ კრიტერიუმებთან;
4. კონკურსში მონაწილეობის მიღება შეუძლია შესაბამისი აკადემიური ხარისხის მქონე პირს, კერძოდ:
ა) სრული პროფესორის თანამდებობის დასაკავებლად კანდიდატს უნდა ჰქონდეს მეცნიერებათა კანდიდატის სამეცნიერო ან დოქტორის აკადემიური ხარისხი, ამასთან სამეცნიერო-პედაგოგიური მუშაობის არანაკლებ 6 წლის გამოცდილება;
ბ) ასოცირებული პროფესორის თანამდებობის დასაკავებლად კანდიდატს უნდა ჰქონდეს მეცნიერებათა კანდიდატის სამეცნიერო ან დოქტორის აკადემიური ხარისხი. ამასთან სამეცნიერო-პედაგოგიური მუშაობის არანაკლებ 3 წლის გამოცდილება;
გ) ასისტენტ პროფესორის თანამდებობის დასაკავებლად კანდიდატს უნდა ჰქონდეს მეცნიერებათა კანდიდატის სამეცნიერო ან დოქტორის აკადემიური ხარისხი ან უნდა იყოს დოქტორანტი;
5. კონკურსში მონაწილე კანდიდატთა პირადი მონაცემების შეფასება მოხდება შესაბამისი ფაკულტეტის საბჭოს შემადგენლობიდან შექმნილი კომისიის მიერ. გადაწყვეტილების მიღებისას მხედველობაში მიღებულ უნდა იქნას შემდეგი ძირითადი კრიტერიუმები:
ა) კანდიდატის უნარი, მეცნიერების თანამედროვე მოთხოვნების საფუძველზე ასწავლოს კურსები შესაბამის სპეციალობაში;
ბ) პედაგოგიური მოღვაწეობის გამოცდილება;
გ) სამეცნიერო პუბლიკაციების რაოდენობა და ხარისხი (განსაკუთრებით ბოლო ათი წლის განმავლობაში);
დ) კვლევისათვის სახსრების მოძიებისა და კვლევითი სამუშაოების ორგანიზების გამოცდილება;
6. საბუთების მიღება იწარმოებს ჰუმანიტარულ მეცნიერებათა და კულტურის კვლევების ფაკულტეტის დეკანატში. საბუთების მიღება დაიწყება 2009 წლის 7 სექტემბრიდან; კონკურსში მონაწილეობის მისაღებად საბუთების წარმოდგენის ბოლო ვადაა 2009 წლის 23 სექტემბერი;
7. კონკურსის შედეგები გამოცხადდება არაუგვიანეს 2009 წლის 25 სექტემბრისა;
8. კონკურსში გამარჯვებული კანდიდატები ილია ჭავჭავაძის სახელმწიფო უნივერსიტეტის აკადემიურ პერსონალად ჩაითვლებიან და შრომის ხელშეკრულება გაუფორმდებათ შემდეგ ვადებში:
ა)სრული და ასოცირებული პროფესორის აკადემიურ თანამდებობაზე კონკურსში გამარჯვების შემთხვევაში - 2009 წლის 2 ნოემბრიდან;
ბ)არქეოლოგიის მიმართულებით ასისტენტ-პროფესორის აკადემიურ თანამდებობაზე გამარჯვებულ კანდიდატს- 2009 წლის 26 ნოემბრიდან; ენისა და ლიტერატურის მიმართულებით ასისტენტ-პროფესორის აკადემიურ თანამდებობაზე გამარჯვებულ კანდიდატს- 2009 წლის 1 ოქტომბრიდან, ხოლო ყველა დანარჩენ შემთხვევაში ასისტენტ პროფესორის აკადემიურ თანამდებობაზე გამარჯვებულ პირებს შრომის ხელშეკრულება გაუფორმდებათ 2009 წლის 4 ნოემბრიდან.
9. საბუთები აუცილებლად უნდა იყოს წარმოდგენილი აგრეთვე ელექტრონული ფორმით ( სამეცნიერო ნაშრომის ელექტრონული ფორმით წარმოდგენა არ არის აუცილებელი). საბუთების ელექტრონული ვერსია უნდა იქნეს მოწოდებული ან დისკით, ან გაიგზავნოს შემდეგ მისამართზე:uni@iliauni.edu.ge
რექტორი გიგი თევზაძე