განცხადებები

საერთაშორისო განათლების ცენტრი მაგისტრატურის ან დოქტორანტურის საფეხურზე დაფინანსების მოპოვების მსურველებს გაცნობებთ, რომ მსოფლიოში ერთ-ერთმა ყველაზე მაღალრეიტინგულმა უნივერსიტეტმა - ცენტრალური ევროპის უნივერსიტეტმა, რომელიც მდებარეობს უნგრეთის დედაქალაქ ბუდაპეშტში, დაიწყო განაცხადების მიღება 2016-2017 აკადემიური წლისათვის 50 პროგრამაზე შემდეგ დისციპლინებში:

• ბიზნესი
• კოგნიტური მეცნიერება (PhD)
• ეკონომიკა
•  გარემოს დაცვა და პოლიტიკა
•  გენდერული კვლევები
• ისტორია
• საერთაშორისო ურთიერთობები
• სამართალი
•  გამოყენებითი მათემატიკა
•  შუა საუკუნეების კვლევები
•  ნაციონალიზმის კვლევები
•  ქსელური მეცნიერება (PhD)
• ფილოსოფია
•  პოლიტიკური მეცნიერება
• საჯარო პოლიტიკა
•  სოციოლოგია და სოციალური ანთროპოლოგია

დაფინანსების მოსაპოვებლად კანდიდატები უნდა დარეგისტრირდნენ ვებგვერდზე http://bit.ly/1OX5LbQ და ატვირთონ განაცხადის ფორმა თანდართულ საბუთებთან ერთად არაუგვიანეს 2016 წლის 4 თებერვლისა.

MUNDUS MAPP პროგრამაზე ჩაბარების და ერაზმუს მუნდუსის სტიპენდიის მოპოვების მსურველებმა განაცხადი უნდა გაგზავნონ 2016 წლის 11 იანვრამდე, ხოლო თვითდაფინანსებული სტუდენტებისთვის, ასევე მათთვის, ვინც აბარებს MATILDA-ს პროგრამაზე (ისტორიისა, გარემოს დაცვისა და პოლიტიკის ფაკულტეტები) და სურს სწავლის საფასურისათვის დაფინანსების მოპოვება (master's tuition awards), განაცხადის გაგზავნის ბოლო ვადაა 2016 წლის 3 მაისი.
(ამ დროისათვის აპლიკანტებს უნდა შეეძლოთ ინგლისური ენის ცოდნის დამადასტურებელი დოკუმენტის წარმოდგენა).

სასწავლო პროგრამებთან და აპლიკაციასთან დაკავშირებით დეტალური ინფორმაციის მისაღებად, ეწვიეთ ცენტრალური ევროპის უნივერსიტეტის ვებგვერდს ან მოგვმართეთ საერთაშორისო განათლების ცენტრში შემდეგ მისამართზე:
თბილისი, ჭოველიძის ქუჩა #10
ტელ. 2 252 615
ელფოსტა: cie@osgf.ge.

კონსულტაციის დღე - ორშაბათი, 15:00 საათი

უნივერსიტეტის და კონკურსის შესახებ ინფორმაცია ასევე შეგიძლიათ მოიპოვოთ საერთაშორისო განათლების ცენტრის ვებგვერდზე: www.cie.ge და სოციალურ ქსელში Facebook: Access CEU – Georgia Page და Center for International Education – Tbilisi.