ახალი ამბები

საჯარო სამსახურის ბიურო იწყებს სტაჟირების სახელმწიფო პროგრამის მე-8 ნაკადს. პროგრამის ფარგლებში სტუდენტები და კურსდამთავრებულები 3-თვიან არაანაზღაურებად სტაჟირებას გაივლიან სხვადასხვა სახელმწიფო სამსახურში.

სტაჟირების სახელმწიფო პროგრამაში მონაწილეობისთვის აუცილებელია, კანდიდატმა განაცხადოს წერილობითი თანხმობა სტაჟირების კონკრეტულ ნაკადში მონაწილეობის შესახებ.

რეგისტრაცია იწარმოებს 1-დან 31 მარტის ჩათვლით შემდეგ მისამართზე:

ილიას სახელმწიფო უნივერსიტეტი, სტუდენტურ საქმეთა დეპარტამენტი, F105 ოთახი, ჩოლოყაშვილის №3/5.

სამუშაო საათები: 10:00-დან 18:00 საათამდე.

სტაჟირების სახელმწიფო პროგრამაში მონაწილეობა შეუძლიათ:

• ბაკალავრიატის დამამთავრებელი კურსის სტუდენტებს;
• მაგისტრატურისა და დოქტორანტურის სტუდენტებს;
• კურსდამთავრებულებს, რომლებმაც დაასრულეს საგანმანათლებლო პროგრამაზე სწავლა არაუმეტეს ორი წლის წინ.

პროგრამაში მონაწილეობის აუცილებელი პირობაა მაღალი აკადემიური მოსწრება, რომელიც განისაზღვრება საგანმანათლებლო პროგრამის ფარგლებში მიღებული შეფასებების საშუალო არითმეტიკულით (მინიმუმ (B) ძალიან კარგი 81-90%).

საჯარო სამსახურის ბიუროს სტაჟირების სახელმწიფო პროგრამის შესახებ დეტალური ინფორმაციის მისაღებად ეწვიეთ ბმულს: http://stajireba.gov.ge/

დამატებითი ინფორმაციისათვის დაუკავშირდით სტაჟირების სახელმწიფო პროგრამის ცხელ ხაზს: 2197755