![მიღება ბიზნესის, ტექნოლოგიისა და განათლების ფაკულტეტის სადოქტორო პროგრამებზე 2024-2025 სასწავლო წლის შემოდგომის სემესტრისათვის](https://iliauni.edu.ge/uploads/photo/cache/84/d06fe2b624a0393073e672ad9d88ab13_84170.png)
![შიდა მობილობა ბიზნესის, ტექნოლოგიისა და განათლების ფაკულტეტის საბაკალავრო და სამაგისტრო პროგრამებზე 2024-2025 სასწავლო წლის შემოდგომის სემესტრისათვის](https://iliauni.edu.ge/uploads/photo/cache/84/404aeb62f4e481967fa3b1b90264efcf_84149.png)
![USAID-ის საბაზისო განათლების პროგრამის მრავალშრიანი მხარდაჭერის სიტემის (MTSS) შემაჯამებელი ღონისძიება](https://iliauni.edu.ge/uploads/photo/cache/83/3534f93d299f5741bbde11d4e61d9bf3_83956.png)
საბა ნემსიწვერიძე ილიაუნის ჩემპიონია ბილიარდში
ახალი ამბები
4 მაისს საბილიარდო კლუბ „რიოში“ ილიაუნის შიდასაუნივერსიტეტო ჩემპიონატი გაიმართა ბილიარდში. შეხვედრები დაძაბულად და საინტერესოდ წარიმართა. შარშანდელი ჩემპიონატის გადამწყვეტ ორთაბრძოლაში გიორგი კვარაცხელიამ მიხეილ მჭედლიშვილს აჯობა და ჩემპიონობა მოიპოვა. ამჯერად მჭედლიშვილმა აიღო რევანში – პროფესიონალი მობილიარდე ნახევარფინალში 5:1დაამარცხა და ფინალში გავიდა. მსგავს წარმატებას მიაღწია საბა ნემსიწვერიძემ – ნახევარფინალში დავით დალაქიშვილს სძლია – 5:2. ჩემპიონობისთვის პაექრობაში ნემსიწვერიძემ მეტოქეს 7:3 აჯობა. მჭედლიშვილმა ზედიზედ მეოთხედ დაიკავა მეორე ადგილი. მესამე ადგილზე გავიდა შარშანდელი ჩემპიონი კვარაცხელია, რომელმაც დალაქიშვილს მოუგო მშრალი ანგარიშით – 6:0.
ილიას სახელმწიფო უნივერსიტეტის სტუდენტურ საქმეთა დეპარტამენტის წარმომადგენლებმა გამარჯვებული და პრიზიორები თასებით, მედლებითა და დიპლომებით დააჯილდოვეს. შეჯიბრების გამარჯვებულს სპორტულმა მაღაზია Joma-მ 100-ლარიანი ვაუჩერი გადასცა, ხოლო ფიტნესკლუბმა Fit Town-მა – ერთთვიანი ულიმიტო აბონემენტი.
- შეჯიბრება მაღალ დონეზე იყო ორგანიზებული, – გვითხრა საბა ნემსიწვერიძემ, რომელიც შარშან ილიაუნის ჩემპიონატსა და საქართველოს უნივერსიადაზე მესამე იყო. – ძლიერ მეტოქეებთან მომიწია თამაში, მეოთხედფინალიდან ყველა ორთაბრძოლა განსაკუთრებით დაძაბული გამოდგა. ძალიან მიხარია გამარჯვება, რადგან ილიაუნის ჩემპიონი პირველად გავხდი. ახლა საქართველოს უნივერსიადისთვის მოვემზადები და ვეცდები, შარშანდელი შედეგი გავაუმჯობესო.
გალერეა