ახალი ამბები

3 მაისს ილიას სახელმწიფო უნივერსიტეტსა და თავდაცვის ინსტიტუციური აღმშენებლობის სკოლას შორის გაფორმდა მემორანდუმი.

მემორანდუმის მიზანია თავდაცვისა და უსაფრთხოების სფეროსთან დაკავშირებული ერთობლივი საგანმანათლებლო, კვლევითი და პოპულარიზაციის ღონისძიებების განხორციელება, ასევე აკადემიური და გამოყენებითი კვლევების პოპულარიზაცია და საზოგადოებისა და დაინტერესებული პირების ინფორმირება.

მემორანდუმს ხელი მოაწერეს ილიას სახელმწიფო უნივერსიტეტის რექტორმა გიგა ზედანიამ და თავდაცვის ინსტიტუციური აღმშენებლობის სკოლის დირექტორმა თეა ნიკოლაშვილმა.