ახალი ამბები

ილიას სახელმწიფო უნივერსიტეტის სტუდენტურ საქმეთა დეპარტამენტის ინიციატივით მეორედ გაიმართა ილიაუნის შიდასაუნივერსიტეტო ჩემპიონატი ჭადრაკში. შვეიცარიული სისტემით მოწყობილ შეჯიბრებაში სხვადასხვა სპეციალობის 36 სტუდენტი მონაწილეობდა. შვიდი შესაძლებლობიდან 6.5-6.5 ქულა მოაგროვეს ახალგაზრდებში საქართველოს მრავალგზის ჩემპიონმა და პრიზიორმა, ნანი უნაფქოშვილმა, და წინა შეჯიბრის გამარჯვებულმა, გიორგი ბოსიკაშვილმა. დამატებითი მაჩვენებლებით, ილიაუნის ჩემპიონი გახდა ნანი უნაფქოშვილი, ხოლო ვერცხლის მედალი გიორგი ბოსიკაშვილს ერგო. 6 ქულით მესამე ადგილზე ნოდარ მანაგაძე გავიდა.