ახალი ამბები

14 თებერვალს თბილისის ოლიმპიურ სასახლეში ილიაუნი ფუტსალის ლიგის მერვე ტურის შეხვედრას გამართავს. ჩვენი მეტოქე მფკ თბილისი იქნება.

პირველი წრის დაპირისპირებაში ეს მოწინააღმდეგე ილიაუნიმ მინიმალური უპირატესობით 3:2 დაამარცხა. სატრანსფერო პერიოდის შემდეგ თბილისის შემადგენლობაში გარკვეული ცვლილებებია და ამჯერად გაძლიერებული ძალებით შეეცდებიან სამი ქულის მოპოვებას. შეგახსენებთ, რომ ილიაუნიმ გასული ტურის შეხვედრაში თბილისის სახელმწიფო უნივერსიტეტი დაამარცხა (2:1) და ზედიზედ მეხუთე გამარჯვება მოიპოვა.

ახლანდელი მონაცემებით ილიაუნის ნაკრებს სატურნირო ცხრილში მესამე ადგილი უკავია, თსუ-ის მსგავსად 15 ქულა აქვს და ლიდერ თელასს 3 ქულით ჩამორჩება.

ილიაუნისა და თბილისის დაპირისპირება 18:00 საათზე დაიწყება. მაყურებელი მატჩის პირდაპირ ტრანსლაციას სილკ უნივერსალის ეთერში იხილავს. 

გულშემატკივართა ტრანსპორტირებას სტუდენტურ საქმეთა დეპარტამენტი 17:00 საათზე უნივერსიტეტის E კორპუსის ეზოდან (მის.: ქ. ჩოლოყაშვილის ქ. N3/5) უზრუნველყოფს.