ახალი ამბები

ილიას სახელმწიფო უნივერსიტეტის ტექნოლოგიური მეწარმეობისა და ინოვაციების განვითარების ცენტრი ფაბლაბთან ერთად იწყებს Python-ის საბაზისო უფასო ონლაინკურსს მოსწავლეებისთვის.

დღეს Python მსოფლიოში ერთ-ერთი ყველაზე პოპულარული პროგრამული ენაა, რომელსაც სხვადასხვა სფეროში იყენებენ. მისი საშუალებით შესაძლებელია მონაცემთა დამუშავება, სხვადასხვა აპლიკაციის შექმნა და ა.შ.

კურსის მიზანია მოსწავლეებმა Python-ზე ისწავლონ პროგრამირების საწყისები, მიიღონ საბაზისო ცოდნა, რომელიც მათ დაეხმარება პროგრამირების სფეროში განვითარებასა და მომავალში პითონის საფუძვლიანად შესწავლაში.

ვისთვის არის განკუთვნილი კურსი?

VII-XI კლასების მოსწავლეებისთვის, რომელთაც სურთ პროგრამირების საფუძვლების შესწავლა. კურსი არის დამწყებთათვის, ამდენად საბაზისო ცოდნა საჭირო არ არის.

კურსის დასრულების შემდეგ მოსწავლე შეძლებს:

• პროგრამირების საფუძვლების გააზრებას (პითონის პროგრამირების ენის სინტაქსი და ინსტრუმენტები) 
• მონაცემთა ტიპებისა და ცვლადების გამოყენებას (int, float, string, input)
• მათემატიკური და ლოგიკური ოპერაციების შესრულებას
• ნაკადების მართვას (if, elif, else)
• ციკლების (for, while) გამოყენებას განმეორებითი ამოცანებისთვის
• ფუნქციების შექმნასა და გამოყენებას
• შეცდომების დამუშავებას (try/except)
• მასივების (list, tuple, dictionary) გამოყენებასა და მანიპულაციას
• სტრიქონების დამუშავებას (split, join, upper, lower)
• მარტივი თამაშებისა და ვიზუალური პროექტების შექმნას Pygame-ის მეშვეობით

როგორ შეიძლება პროექტში მონაწილეობა?

პროექტში მონაწილეობისთვის არა უგვიანეს 23 ოქტომბრისა უნდა შეავსოთ მარტივი სააპლიკაციო ფორმა ბმულზე: https://forms.gle/Ekd7QQZoeJqsaoWc6

ადგილები შეზღუდულია, პროექტში მონაწილეობა შეუძლია 40 მონაწილეს. ისინი შეირჩევიან აპლიკაციის განხილვის საფუძველზე, მოტივაციისა და გამოცდილების მიხედვით.

შერჩეულ კანდიდატებს დაუკავშირდებიან არაუგვიანეს 30 ოქტომბრისა.

კურსი ჩატარდება დისტანციურად Google meets-ის გამოყენებით.

სამუშაო ენა: ქართული

კურსის ხანგრძლივობა: 6 კვირა

ტრენინგის ხანგრძლივობა: კვირაში 2 დღე, 1.5 საათი 

ტრენინგის დღეები: ორშაბათი –  4:00-5:30, ხუთშაბათი – 4:00-5:30

სერტიფიკატის მისაღებად კურსის ბოლოს გაცდენილი ლექციების რაოდენობა არ უნდა აღემატებოდეს 30%-ს.

შეკითხვების შემთხვევაში დაგვიკავშირდით: fablabtraining@iliauni.edu.ge 

2025